Тошкентдаги «Пахтакор» марказий стадиони бузилиб, унинг ўрнида янги ўйингоҳ қад ростлайди.
«Пахтакор» вакилининг «Дарё»га маълум қилишича, стадионни бузиш ишлари қачон бошланиши ва клуб кейинги мавсум ўйинларини қайси стадионда ўтказиши ҳозирча номаълум.
Бироз муддат аввал футбол янгиликларни ёритишга мўлжалланган маҳаллий ОАВ «Пахтакор» 2020 йилда уй учрашувларини «ЖАР» стадионида ўтказиши ҳақида хабар берганди.
«Дарё»нинг ПФЛдаги манбаси Суперлига 25-туридан ўрин олган «Пахтакор»—«Бунёдкор» учрашуви «Бунёдкор» стадионида бўлиб ўтиши маълум қилди. Бироқ мазкур жамоаларнинг ўринбосарлари ўртасидаги баҳс «Пахтакор» стадионида бўлиб ўтади.
Шу тариқа Суперлига 23-туридан ўрин олган «Пахтакор —«Сурхон» (3:1) учрашуви мазкур стадионда ўтказилган сўнгги баҳс бўлиб қолиши мумкин.
Эслатиб ўтамиз, «Пахтакор» янги стадионга эга бўлиши ҳақидаги хабарлар 2017 йилда янграганди. Ўшанда клуб сармоядори SFI Management Group бир қатор лойиҳаларни кўриб чиқаётгани айтилганди.
Мавзуга доир: «Пахтакор»нинг янги стадиони қандай кўринишда бўлади? Европанинг машҳур компаниялари иш бошлашга тайёр (фото)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)