Футбол бўйича Испания Ла Лигасининг 14-тури доирасида 23 ноябрь, шанба куни Эрнесто Вальверде бошлиқ Каталониянинг «Барселона» жамоаси сафарда «Леганес»га қарши майдонга тушди.
Беллашувнинг 12-дақиқасида мезбон жамоа ҳужумчиси Юссуф Ан-Носири ҳисобни очган бўлса, 53-дақиқага келиб уругвайлик Луис Суарес ҳисобни тенглаштирди (1:1). 79-дақиқада эса «кўк-анорранглилар» ярим ҳимоячиси Артуро Видаль жамоасини ҳисобда олдинга олиб чиқди (2:1).
Шу тариқа ўйин каталонияликларнинг кичик ҳисобдаги ғалабаси билан якунланди ва жамоа муҳим 3 очкога эга бўлди.
Ушбу ғалабадан сўнг мусобақа жадвалида пешқадамлик қилаётган «Барселона» очколари сонини 28 тага етказиб олди. Сўнгги ўриндаги «Леганес» ҳисобида эса 6 очко мавжуд.
Ла Лига
14-тур баҳси
23 ноябрь, шанба
«Леганес»—«Барселона» 1:2
Голлар: 1:0 — 12 Ан-Носири, 1:1 — 53 Суарес, 1:2 — 79 Видаль«Леганес»: Куэльяр, Бустинса, Омеруо (Тарин, 83), Сильва, Сиовас, Меса (Каррильо, 83), Рубен Перес, Оскар Родригес (Эрасо, 61), Росалес, Брэйтуэйт, Ан-Носири
«Барселона»: тер Стеген, Ваге, Пике, Умтити, Фирпо, де Ёнг (Фати, 70), Бускетс (Ракитич, 57), Дембеле, Суарес, Гризманн (Видаль, 57), Месси
Огоҳлантиришлар: Меса (20), Бускетс (32), Видаль (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)