Ўзбекистон олимпия терма жамоаси Бирлашган Араб Амирликларининг Дубай шаҳрида бўлиб ўтаётган Dubai Cup—U23 халқаро мусобақадаги иштирокини бошлади.
Любинко Друлович шогирдлари дастлабки учрашувда Ироқ олимпия терма жамоасига қарши баҳс юритди. Ўйинда жанговар дуранг қайд этилди.
Дастлаб ироқликлар Омер Абдулраҳмоннинг голидан кейин олдинга ўтиб олди. Бунга ўзбекистонликлар Достон Ибрагимов ва Нурилло Тўхтасиновнинг голлари билан жавоб қайтарди.
62-дақиқада Ҳусайн Жаббор Аббуд мувозанатни тиклаган бўлса, орадан икки дақиқа ўтиб Ибрагимов дублга эришиб, ҳисобни 3:2 кўринишига келтирди. Ўйин якунланиши арафасида Муҳаммад Қосим Нассиф жамоасининг учинчи голини урган ҳолда ҳисобни тенглаштирди.
Dubai Cup—U23
13 ноябрь, чоршанба
Ўзбекистон — Ироқ 3:3
Голлар: 0:1 — 4 Омер Абдулраҳмон, 1:1 — 21 Достон Ибрагимов, 2:1 — 28 Нурилло Тўхтасинов, 2:2 — 62 Ҳусайн Жаббор Аббуд, 3:2 — 64 Достон Ибрагимов, 3:3 — 85 Муҳаммад Қосим НассифЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)