Германия 9 ноябрь куни муҳим сана — ўн йиллар давомида мамлакатни иккига бўлиб келган Берлин девори қулашининг 30 йиллигини нишонламоқда. Бу ҳақда «Korrespondent.net» хабар берди.
Фото: EPA
Пойтахтда қатор тадбирлар бўлиб ўтиши режалаштирилган. Улардан бири девор бўлаклари сақланиб қолган Бернауер штрассе кўчасидаги мемориалда ўтказилади.
Уларда Германия президенти Франк-Вальтер Штайнмайер, канцлер Ангела Меркель, шунингдек, Польша, Венгрия, Словакия ва Чехия давлатлари етакчилари иштирок этиши кутилмоқда.
Тадбирлар давомида тарихий жойларга гулчамбарлар қўйилиши, Германия демократик республикасидан қочишга уриниш чоғида ҳалок бўлганлар хотираси ёдга олиниши кўзда тутилган.
9 ноябрь кечки пайт Браденбург дарвозалари олдида ўтказиладиган концерт эса Берлин девори қулашининг 30 йиллиги тантанасининг авж нуқтаси бўлади.
