ИИВ Йўл ҳаракати хавфсизлиги бош бошқармаси ва унинг ҳудудий идоралари томонидан 2019 йилнинг январь—сентябрь ойлари давомида жами 4 607 034 та (тўрт миллион олти юз етти минг ўттиз тўртта) йўл ҳаракати қоидабузарлиги аниқланди.
ИИВ Ахборот хизматидан «Дарё»га маълум қилишларича, уларнинг 2 055 254 таси қўпол қоидабузарлик, 25 120 таси эса маст ҳолда машина ҳайдаш билан боғлиқ, 252 072 ҳолат эса пиёдалар қоидабузарлиги билан боғлиқ.
Ҳисобот даврида 19 436 та транспорт воситасини бошқариш вақтида уяли телефондан фойдаланиш, 779 909 та хавфсизлик камаридан тақмаган ҳолда транспорт воситасини бошқариш, 628 та монитордан фойдаланиш ёки ўзбошимчалик билан ўрнатиш, 41 179 та транспорт воситасини суғурта полисиз бошқариш қоидабузарликлари аниқланган.
Шунингдек, 18 422 нафар ҳуқуқбузарга нисбатан расмийлаштирилган маъмурий ҳужжатлар тегишли чоралар кўриш учун суд идораларига юборилиб, уларнинг 8492 нафари (46,1 фоизи) транспорт воситасини бошқариш ҳуқуқидан маҳрум этилган.
Изоҳ (0)