Ўзбекистонда 2019 йилнинг январь—сентябрида болалар иштирокида юз берган йўл-транспорт ҳодисалари сони 2018 йилнинг ҳисобот даврига нисбатан 10,7 фоизга — 981 тадан 876 тага камайди.
ИИВ Ахборот хизматидан «Дарё»га маълум қилишларича, 2019 йилнинг дастлабки тўққиз ойида давомида юз берган ЙТҲларнинг 4567 тасида ҳайдовчилар айбдор бўлган, 91 ҳолатда ҳайдовчилар маст бўлган.
Таққослаш учун, 2018 йилнинг дастлабки тўққиз ойида ҳайдовчилар айби билан 5594 та авария юз берган (2019 йилгидан 18,4 фоизга кўп), 135 ҳолатда ҳайдовчилар маст бўлган (2019 йилга нисбатан 32,6 фоизга кўп).
Қўшимча қилишларича, 2019 йилда пиёдалар иштирокида ЙТҲлар сони 23,6 фоизга қисқарган — 2018 йилнинг илк тўққиз ойида пиёдалар иштирокида 3332 та авария қайд этилган бўлса, 2019 йил январь—сентябрида 2544 тани ташкил этган.
Аввалроқ 2019 йилнинг дастлабки тўққиз ойи давомида Ўзбекистон бўйича 5207 та ЙТҲ юз бергани, оқибатда 1396 киши ҳалок бўлгани ҳақида хабар берилган эди.
Изоҳ (0)