Мактабларда кузги таътил қачондан бошланиши маълум қилинди

Ўзбекистондаги умумий ўрта таълим мактабларида 2019—2020-ўқув йилининг биринчи чораги ўз якунига етаётгани сабаб кузги таътил вақтлари белгиланди. Бу ҳақда Халқ таълими вазирлиги хабар берди.

Умумий ўрта таълим мактабларида кузги таътил 2019 йилнинг 4 ноябридан бошланиб, 10 ноябрь куни якунланади.

«Жорий йилнинг 11 ноябрь куни иккинчи чоракнинг биринчи куни бошланади», — дейилади хабарда.