Бугун,

  • USD 11014.01
  • RUB 191.8
  • EUR 10674.78

2019 йил 23—27 сентябрь кунлари ЎзРТХБ АЖда ўтказилган биржа савдо натижаларига кўра биржа бозорининг турли товар сегментларида нархларнинг устувор равишда пасайиши кузатилди.

Фото: «Kun.uz»

Фото: «Kun.uz»

Жумладан, 3720,7 тонна АИ-91 русумли бензин биржа савдоларига қўйилди ва шундан 3402,5 тоннаси сотилди. Сўнгги савдо ҳафтасида АИ-91 русумли бензини бўйича шаклланган биржа котировкаси аввалги ҳафтага нисбатан 0,7 фоизга пасайиб, бир тоннаси учун 6409,7 минг сўмни ташкил этди.

Ўтган ҳафтада суюлтирилган газ ишлаб чиқарувчилари биржа савдолари орқали 14,5 миллиард сўмлик 4771,0 тонна суюлтирилган газ сотди. Газнинг биржада шаклланган нархи олдинги ҳафтага нисбатан 6,7 фоизга пасайиб, бир тонна учун 3037,5 минг сўмни ташкил этди.

Ўхшаш тенденция қора металл бозорида ҳам кузатилмоқда. СТ 12-35 ГС арматуранинг нархи 2,2 фоизга пасайди ва бир тоннаси учун 5000,7 минг сўмни ташкил этди. Биржа орқали сотилган барча турдаги қора металларнинг ҳажми жами 7,4 минг тоннани ташкил қилган.

Цемент бозори кичик ўсишни кўрсатмоқда. ПЦ М-400 Д-20 маркали цемент бўйича ҳафталик котировка бир тонна учун 485,5 минг сўм миқдорида белгиланиб, аввалги ҳафтага нисбатан 0,7 фоизга ўсди. Фаол сотилаётган бошқа маркали цементларнинг нархлар диапазони бир тонна учун ўртача нарх 401,0—602,0 минг сўмни ташкил этмоқда.

Пахта толаси бозорида нархлар тренди ўз йўналишини ўзгартирди. Ўтган ҳафта 1 нав 4 тип (оддий класс)даги пахта толаси бўйича нархлар 2,7 фоизга пасайиб, бир тонна учун 12,9 миллион сўмни ташкил этди. Пахта толасини бошқа навларининг нархлари ўртача 7,4 миллион сўмдан 13,4 миллион сўмгача бўлди.

Плёнка ишлаб чиқаришда фойдаланиладиган F-0120 полиэтиленнинг бир тонна учун нархи 12,6 миллион сўмни ташкил этиб, 2,8 фоизга пасайди. Ўтган ҳафтада биржада жами 2,8 минг тонна полиэтилен сотилган.

Ўтган ҳафтада карбамид нархи кўтарилиши кузатилди. Сўнгги савдо ҳафтасида карбамид бўйича шаклланган биржа котировкаси аввалги ҳафтага нисбатан 2,8 фоизга ўсиб, бир тоннаси учун 1811,0 минг сўмни ташкил этди. Умуман олганда, ҳафта давомида биржа савдолари орқали 21,0 минг тонна минерал ўғитлар сотилди.

Изоҳ
Асосий янгиликлар