Футбол бўйича Германия Бундеслигасининг 6-тури доирасида 28 сентябрь, шанба куни 6 та баҳс бўлиб ўтди.
Нико Ковач қўл остидаги Мюнхеннинг «Бавария» клуби сафарда «Падерборн» билан баҳсга киришди.
Учрашув давомида Мюнхен клуби аъзолари Серж Гнабри (15), Филиппе Коутиньо (55), Роберт Левандовски (79) биттадан голга муаллифлик қилган бўлса, мезбон жамоадан Кай Прегер (68) ҳамда Жамилу Коллинз (84) Мануэль Нойер қўриқлаётган дарвозага гол урди.
Шу тариқа «Бавария» меҳмонда кечган баҳсда «Падерборн»ни 3:2 ҳисобида мағлуб этди ва 3 очкони қўлга киритди.
Ушбу ғалабадан сўнг «Бавария» очколари сонини 14 тага етказиб, мусобақа жадвалида пешқадамга айланди. Охирги ўринда бораётган «Падерборн» ҳисобида эса 1 очко мавжуд.
Люсен Фавр бошқарувидаги Дортмунднинг «Боруссия»си «Сигнал Идуна Парк» стадионида «Вердер»ни қабул қилди.
Беллашувда меҳмон жамоа вакиллари Милот Рашица (7) ва Марко Фридль (55) дормундликлар дарвозасини ишғол қилди. «Арилар»дан эса Марио Гётце (9) ҳамда Марко Ройс (41) ўз номига биттадан гол ёздириб қўйди.
Натижада учрашув 2:2 ҳисобида якунланди ва жамоалар бир очкодан бўлишиб олди.
Маълумот учун, «Боруссия Дортмунд» 11 очко тўплаган ҳолда мусобақа жадвалида 7-ўринни банд қилиб турибди. «Вердер» эса 7 очко билан 10-ўринда бормоқда.
Бундеслига
6-тур баҳслари
28 сентябрь, шанба
«Лейпциг»—«Шаке-04» 1:3
Голлар: 0:1 — 29 Сане, 0:2 — 43, пенальти Харит, 0:3 — 58 Матондо, 1:3 — 83 Форсберг«Ҳоффенҳайм»—«Боруссия М» 0:3
Голлар: 0:1 — 43 Плеа, 0:2 — 65 Тюрам, 0:3 — 83 Нойхаус«Майнц»—«Вольфсбург» 0:1
Гол: 0:1 — 9 Тиссеран«Аугсбург»—«Байер» 0:3
Голлар: 0:1 — 34, автогол Нидерлехнер, 0:2 — 76 Фолланд, 0:3 — 84 Хаверц«Падерборн»—«Бавария» 2:3
Голлар: 0:1 — 15 Гнабри, 0:2 — 55 Коутиньо, 1:2 — 68 Прегер, 1:3 — 79 Левандовски, 2:3 — 84 Коллинз«Боруссия Д»—«Вердер» 2:2
Голлар: 0:1 — 7 Рашица, 1:1 — 9 Гётце, 2:1 — 41 Ройс, 2:2 — 55 ФридльЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)