Ўзбекистонга орадан 10 йил ўтиб 2010 йилда тақиқланган хусусий нотариуслар яна қайтмоқда. 2020 йил 1 январдан давлат нотариал идораларини босқичма-босқич нодавлат нотариал идораларига айлантириш бошланади. Бу ҳақда Spot хабар бермоқда.
Фото: Google Images
Қайта ташкиллаш қандай ўтади?
Нодавлат нотариал идораларнинг адлия органларида рўйхатдан ўтказиш, шунингдек, нотариусларга уларнинг аризалари асосида нотариал фаолият билан шуғулланиш ҳуқуқини берувчи лицензиялар тақдим этиш орқали.
Давлат нотариуслари нима бўлади?
Улар то зарур миқдорда хусусий идоралар шаклланмагунча фаолиятини давом эттиради.
Кафолатлар қандай бўлади?
Хусусий нотариусларнинг фуқаровий масъулияти суғурталанади — бу фуқароларни нотариус томонидан профессионал бурчига риоя этилмаслиги оқибатида юзага келадиган зарардан ҳимоя қилади.
Қаерда ва қандай лицензия олинади?
Хусусий нотариусларни адлия органлари рўйхатдан ўтказади ва лицензия беради. 1 январга қадар бунинг аниқ тартиби тайёрланиши ва жорий этилиши лозим.
Хусусий нотариуслар нима ҳисобига яшайди?
Нотариал ҳаракатларнинг амалга оширганлик учун ундириладиган давлат божининг бир қисми, шунингдек, ҳуқуқий ва техник кўринишдаги қўшимча ҳаракатлар ҳамда нотариатнинг фаол модели доирасидаги хизматлар учун тўловлар эвазига.
