Футбол бўйича Евро—2020 мусобақаси саралаш босқичи 5-тури доирасида 6 сентябрь, жума куни гуруҳларда бир нечта ўйинлар якунига етди.
Куннинг марказий учрашувида Йоахим Лёв қўл остидаги Германия терма жамоаси Рональд Куман бошқарувидаги Нидерландия термасига қарши майдонга тушди.
Беллашув давомида Германия термаси вакиллари Серж Гнабри (9) ҳамда Тони Кроос (73—пенальти) ўз номига биттадан гол ёздириб қўйган бўлса, нидерландияликлардан Френки де Йонг (59), Дониэлл Мален (79) ва Жоржиньо Вейналдум (90) Мануэль Нойер қўриқлаётган дарвозани ишғол қилди. Ўйиннинг 66-дақиқасида эса германиялик ҳимоячи Жонатан Та автогол муаллифига айланди.
Шу тариқа Нидерландия меҳмонда кечган баҳсда Германияни 4:2 ҳисобида мағлубиятга учратиб, муҳим 3 очкога эга бўлди.
Мазкур ғалабадан сўнг Куман шогирдлари очколари сонини 6 тага етказиб, «C» гуруҳида 3-ўринни эгаллаб турибди. Германия эса 9 очко билан 2-поғонани банд қилиб турибди.
«C» гуруҳидаги ҳолат:
Шу куни «I» гуруҳида Роберто Мартинес бошлиқ Бельгия терма жамоаси сафарда Сан Маринони синовдан ўтказди.
Учрашувда белгиялик ҳужумчи Миши Бацҳуайи дублга эришган бўлса (43—пенальти, 90), Дрис Мертенс (57) ва Носир Шадли (63) ҳам ўз номига биттадан голни расмийлаштириб қўйди.
Ўйин якунига кўра, Бельгия Сан Марино дарвозасига жавобсиз 4 та гол уриб, ғалаба қозонди (4:0).
Маълумот учун, белгияликлар 15 очко жамғарган ҳолда «I» гуруҳини бошқариб бормоқда. Сўнгги ўриндан жой олган Сан Марино эса бирорта ҳам очко тўплай олмади.
Станислав Чечесов бошчилигидаги Россия терма жамоаси Шотландия термаси майдонига сафар қилди.
Баҳснинг 10-дақиқасида Шотландия термаси ярим ҳимоячиси Жон Макгинн ҳисобни очган бўлса, 40-дақиқага келиб россиялик ҳужумчи Артём Дзюба ҳисобни тенглаштирди (1:1). 59-дақиқада эса мезбон жамоа ҳимоячиси Стивен ЎДоннелл ўз дарвозасига гол уриб қўйди.
Шу тариқа Россия меҳмонда Шотландиядан кичик ҳисобда устун келди ва муҳим 3 очкога эга бўлди (2:1).
Қайд этиш жоиз, ушбу ғалабадан сўнг россияликлар 12 очко тўплаб гуруҳда 2-ўринни эгаллаб турибди. Шотландия эса 6 очко билан 4-ўринда бормоқда.
«I» гуруҳидаги ҳолат:
Евро—2020
Саралаш босқичи
5-тур баҳслари
6 сентябрь, жума
«C» гуруҳи
Эстония—Беларусь 1:2
Голлар: 0:1 — 48 Наумов, 1:1 — 54 Сорга, 1:2 — 90 СкавишГермания—Нидерландия 2:4
Голлар: 1:0 — 9 Гнабри, 1:1 — 59 де Ёнг, 1:2 — 66, автогол Та, 2:2 — 73, пенальти Кроос, 2:3 — 79 Мален, 2:4 — 90 Вейналдум«Э» гуруҳи
Словакия—Хорватия 0:4
Голлар: 0:1 — 45 Влашич, 0:2 — 46 Перишич, 0:3 — 72 Петкович, 0:4 — 89 ЛовренУэльс—Озарбайжон 2:1
Голлар: 1:0 — 26, автогол Пашаев, 1:1 — 58 Эмрели, 2:1 — 84 Бэйл«Г» гуруҳи
Австрия—Латвия 6:0
Голлар: 1:0 — 7 Арнаутович, 2:0 — 13 Забитцер, 3:0 — 53, пенальти Арнаутович, 4:0 — 76, автогол Штейнбор, 5:0 — 80 Лаймер, 6:0 — 84 ГрегоричСловения—Польша 2:0
Голлар: 1:0 — 35 Струна, 2:0 — 65 Шпорар«I» гуруҳи
Кипр—Қозоғистон 1:1
Голлар: 0:1 — 2 Шеткин, 1:1 — 39 СотериуСан Марино—Бельгия 0:4
Голлар: 0:1 — 43, пенальти Бацҳуайи, 0:2 — 57 Мертенс, 0:3 — 63 Шадли, 0:4 — 90 БацҳуайиШотландия—Россия 1:2
Голлар: 1:0 — 10 Макгинн, 1:1 — 40 Дзюба, 1:2 — 59, автогол ЎДоннеллЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)