Futbol bo‘yicha Yevro—2020 musobaqasi saralash bosqichi 5-turi doirasida 6-sentabr, juma kuni guruhlarda bir nechta o‘yinlar yakuniga yetdi.
Kunning markaziy uchrashuvida Yoaxim Lyov qo‘l ostidagi Germaniya terma jamoasi Ronald Kuman boshqaruvidagi Niderlandiya termasiga qarshi maydonga tushdi.
Bellashuv davomida Germaniya termasi vakillari Serj Gnabri (9) hamda Toni Kroos (73—penalti) o‘z nomiga bittadan gol yozdirib qo‘ygan bo‘lsa, niderlandiyaliklardan Frenki de Yong (59), Doniell Malen (79) va Jorjinyo Veynaldum (90) Manuel Noyer qo‘riqlayotgan darvozani ishg‘ol qildi. O‘yinning 66-daqiqasida esa germaniyalik himoyachi Jonatan Ta avtogol muallifiga aylandi.
Shu tariqa Niderlandiya mehmonda kechgan bahsda Germaniyani 4:2 hisobida mag‘lubiyatga uchratib, muhim 3 ochkoga ega bo‘ldi.
Mazkur g‘alabadan so‘ng Kuman shogirdlari ochkolari sonini 6 taga yetkazib, “C” guruhida 3-o‘rinni egallab turibdi. Germaniya esa 9 ochko bilan 2-pog‘onani band qilib turibdi.
“C” guruhidagi holat:
Shu kuni “I” guruhida Roberto Martines boshliq Belgiya terma jamoasi safarda San Marinoni sinovdan o‘tkazdi.
Uchrashuvda belgiyalik hujumchi Mishi Batshuayi dublga erishgan bo‘lsa (43—penalti, 90), Dris Mertens (57) va Nosir Shadli (63) ham o‘z nomiga bittadan golni rasmiylashtirib qo‘ydi.
O‘yin yakuniga ko‘ra, Belgiya San Marino darvozasiga javobsiz 4 ta gol urib, g‘alaba qozondi (4:0).
Ma’lumot uchun, belgiyaliklar 15 ochko jamg‘argan holda “I” guruhini boshqarib bormoqda. So‘nggi o‘rindan joy olgan San Marino esa birorta ham ochko to‘play olmadi.
Stanislav Chechesov boshchiligidagi Rossiya terma jamoasi Shotlandiya termasi maydoniga safar qildi.
Bahsning 10-daqiqasida Shotlandiya termasi yarim himoyachisi Jon Makginn hisobni ochgan bo‘lsa, 40-daqiqaga kelib rossiyalik hujumchi Artyom Dzyuba hisobni tenglashtirdi (1:1). 59-daqiqada esa mezbon jamoa himoyachisi Stiven O’Donnell o‘z darvozasiga gol urib qo‘ydi.
Shu tariqa Rossiya mehmonda Shotlandiyadan kichik hisobda ustun keldi va muhim 3 ochkoga ega bo‘ldi (2:1).
Qayd etish joiz, ushbu g‘alabadan so‘ng rossiyaliklar 12 ochko to‘plab guruhda 2-o‘rinni egallab turibdi. Shotlandiya esa 6 ochko bilan 4-o‘rinda bormoqda.
“I” guruhidagi holat:
Yevro—2020
Saralash bosqichi
5-tur bahslari
6-sentabr, juma
“C” guruhi
Estoniya—Belarus 1:2
Gollar: 0:1 — 48 Naumov, 1:1 — 54 Sorga, 1:2 — 90 SkavishGermaniya—Niderlandiya 2:4
Gollar: 1:0 — 9 Gnabri, 1:1 — 59 de Yong, 1:2 — 66, avtogol Ta, 2:2 — 73, penalti Kroos, 2:3 — 79 Malen, 2:4 — 90 Veynaldum“E” guruhi
Slovakiya—Xorvatiya 0:4
Gollar: 0:1 — 45 Vlashich, 0:2 — 46 Perishich, 0:3 — 72 Petkovich, 0:4 — 89 LovrenUels—Ozarbayjon 2:1
Gollar: 1:0 — 26, avtogol Pashayev, 1:1 — 58 Emreli, 2:1 — 84 Beyl“G” guruhi
Avstriya—Latviya 6:0
Gollar: 1:0 — 7 Arnautovich, 2:0 — 13 Zabitser, 3:0 — 53, penalti Arnautovich, 4:0 — 76, avtogol Shteynbor, 5:0 — 80 Laymer, 6:0 — 84 GregorichSloveniya—Polsha 2:0
Gollar: 1:0 — 35 Struna, 2:0 — 65 Shporar“I” guruhi
Kipr—Qozog‘iston 1:1
Gollar: 0:1 — 2 Shetkin, 1:1 — 39 SoteriuSan Marino—Belgiya 0:4
Gollar: 0:1 — 43, penalti Batshuayi, 0:2 — 57 Mertens, 0:3 — 63 Shadli, 0:4 — 90 BatshuayiShotlandiya—Rossiya 1:2
Gollar: 1:0 — 10 Makginn, 1:1 — 40 Dzyuba, 1:2 — 59, avtogol O’DonnellYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)