31 август, шанба куни футбол бўйича Германия Бундеслигасининг 3-тури доирасида 6 та ўйин бўлиб ўтди.
Куннинг дастлабки ўйинида Нико Ковач бошлиқ Мюнхеннинг «Бавария» клуби ўз майдонида «Майнц»ни синовдан ўтказди.
Ўйиннинг 6-дақиқасидаёқ меҳмон жамоа ярим ҳимоячиси Жан-Поль Боэтиюс ҳисобни очди (1:0). Мюнхенликлардан эса Бенжамен Павар (36), Давид Алаба (45), Иван Перишич (54), Кингсли Коман (64), Роберт Левандовски (51) ҳамда Альфонсо Дэвис (80) бирин-кетин рақиб дарвозасини ишғол қилди.
Ўйин якунига кўра, «қизиллар» ўз уйида «Майнц» устидан йирик 6:1 ҳисобида ғалаба қозонди ва муҳим 3 очкога эга бўлди.
Мазкур ғалабадан сўнг «Бавария» очколари сонини 7 тага етказиб олди ва мусобақа жадвалида 2-ўринга кўтарилиб олди.
Шу куни Дортмунднинг «Боруссия» жамоаси «Унион Берлин» майдонига сафар қилди.
Беллашув давомида Берлин клуби вакиллари Мариус Бюльтер (22, 50) ҳамда Себастьян Андерссон (75) томонидан киритилган голларга «арилар» Пако Алькасернинг голи билан жавоб қайтарди.
Шу тариқа «Боруссия Дортмунд» меҳмонда кечган баҳсда «Унион Берлин»га 1:3 ҳисобида имкониятни бой бериб қўйди ва очко йўқотди.
Маълумот учун, Дортмунд клуби 6 очко тўплаган ҳолда мусобақа жадвалида 5-ўринда бормоқда.
Бундеслига
3-тур баҳслари
30 август, жума
«Боруссия М»—«Лейпциг» 1:3
Голлар: 0:1 — 38 Вернер, 0:2 — 48 Вернер, 1:2 — 90 Эмболо, 1:3 — 90 Вернер31 август, шанба
«Бавария»—«Майнц» 6:1
Голлар: 0:1 — 6 Боэтиюс, 1:1 — 36 Павар, 2:1 — 45 Алаба, 3:1 — 54 Перишич, 4:1 — 64 Коман, 5:1 — 78 Левандовски, 6:1 — 80 Дэвис«Байер»—«Ҳоффенҳайм» 0:0
«Вольфсбург»—«Падерборн» 1:1
Голлар: 0:1 — 12 Каули, 1:1 — 56 Брекало«Фрайбург»—«Кёльн» 1:2
Голлар: 1:0 — 40, автогол Чихос, 1:1 — 52 Модест, 1:2 — 90 Схири«Шальке-04»—«Ҳерта» 3:0
Голлар: 1:0 — 38, автогол Штарк, 2:0 — 48, автогол Рекик, 3:0 — 85 Кенни«Унион Берлин»—«Боруссия Д» 3:1
Голлар: 1:0 — 22 Бюльтер, 1:1 — 25 Пако Алькасер, 2:1 — 50 Бюльтер, 3:1 — 75 АндерссонЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)