Мамлакат мустақиллигининг 28 йиллиги муносабати билан Президент Шавкат Мирзиёев номига хорижий давлатлар раҳбарларидан самимий қутловлар келмоқда.
Уларда давлат раҳбарига муваффақиятлар, Ўзбекистон халқига равнақ ва фаровонлик тилаб, эзгу истаклар изҳор этилган.
Жумладан, Хитой раиси Си Цзиньпиннинг табригида «Сиз билан сиёсий ўзаро ишончни мустаҳкамлаш, икки мамлакат ва халқлар фаровонлиги учун Ўзбекистон ва Хитой ўртасидаги ҳар томонлама стратегик шериклик муносабатларини узлуксиз ва изчил ривожлантиришга эришиш мақсадида ‘Бир макон, бир йўл’ лойиҳасини амалга ошириш бўйича ҳамкорликни чуқурлаштиришга биргаликда саъй-ҳаракат қилишга тайёрман», — дея қайд этилган.
«Ишончим комилки, биз бундан кейин ҳам халқларимиз фаровонлиги, Марказий Осиё минтақасида барқарорлик ва хавфсизликни таъминлаш йўлида стратегик шериклик ва иттифоқчилик муносабатларини янада мустаҳкамлашда давом этамиз», — дейилган Россия президенти Владимир Путиннинг қутловида.
«Сизнинг Оқ уйга ташрифингизни ёдга олиб, мамлакатларимиз ўртасида сўнгги йилларда мустаҳкамланиб бораётган стратегик мулоқотларни юқори баҳолашимни таъкидлашни истар эдим.
Шунингдек, Сизнинг Ўзбекистон аҳлига хизмат қилувчи янада мустаҳкам, шаффоф ва масъулиятли ташкилотлар яратиш орқали мамлакат келажагига содиқлигингизни қадрлайман. Сизнинг муваффақиятли ютуқларингизда шерик бўлишдан ғурурланамиз», — дейилади АҚШ президенти Дональд Трампнинг табригида.
Табриклар келишда давом этмоқда.
Изоҳ (0)