25 август, якшанба куни футбол бўйича Испания Ла Лигасининг 2-тури доирасида 4 та беллашув бўлиб ўтди.
Диего Симеоне қўл остидаги Мадриднинг «Атлетико» клуби «Леганес» майдонига сафар қилди.
Учрашувдаги ягона гол 71-дақиқада урилди. Унга «матрасчилар» ярим ҳимоячиси Витоло муаллифлик қилди.
Шу тариқа мадридликлар меҳмонда кечган баҳсда «Леганес»ни кичик ҳисобда мағлуб этди (1:0).
Мазкур ғалабадан сўнг «Атлетико» очколари сонини 6 тага етказиб, мусобақа жадвалида 2-ўринни эгаллаб турибди.
Шу куни Эрнесто Вальверде бошлиқ Каталониянинг «Барселона» клуби «Камп Ноу»да «Бетис»ни синовдан ўтказди.
Ўйин давомида меҳмон жамоа аъзолари Набиль Фекир (15) ҳамда Лорен Морон (79) Марк-Андре тер Штеген дарвозасига гол урган бўлса, «кўк-анорранглилар»дан Антуан Гризманн (41, 50), Карлес Перес (56), Жорди Альба (60) ва Артуро Видаль (77) рақиб дарвозасини ишгол қилди.
Баҳс якунига кўра, Каталония клуби «Бетис»ни йирик 5:2 ҳисобида мағлубиятга учратди ва муҳим 3 очкони қўлга киритди.
Қайд этиш жоиз, «Барселона» айни дамда 3 очко билан 9-ўринни банд қилиб турибди.
2-турдан сўнг мусобақа жадвалидаги ҳолат:
Ла Лига
2-тур баҳслари
24 август, шанба
«Сельта»—«Валенсия» 1:0
Гол: 1:0 — 15 Фернандес«Хетафе»—«Атлетик Бильбао» 1:1
Голлар: 0:1 — 6 Рауль Гарсия, 1:1 — 12 Мата25 август, якшанба
«Алавес»—«Эспаньол» 0:0
«Мальорка»—«Реал Сосьедад» 0:1
Гол: 0:1 — 83 Эдегор«Леганес»—«Атлетико Мадрид» 0:1
Гол: 0:1 — 71 Витоло«Барселона»—«Бетис» 5:2
Голлар: 0:1 — 15 Фекир, 1:1 — 41 Гризманн, 2:1 — 50 Гризманн, 3:1 — 56 Карлес Перес, 4:1 — 60 Альба, 5:1 — 77 Видаль, 5:2 — 79 МоронЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)