2 август, жума куни Қозоғистоннинг Олмаота шаҳрида Марказий Осиё триатлон ассоциациясининг (CATA) иккинчи конгресси бўлиб ўтди.
Ўзбекистон триатлон федерацияси матбуот хизматининг «Дарё»га маълум қилишича, мазкур йиғилишда мамлакат триатлон федерацияси раисининг биринчи ўринбосари Фарруҳ Носиров CATA вице-президенти этиб сайланди.
Шу билан бирга Конгрессда яқин келажакдаги асосий мақсадлар, аниқ вазифалар белгиланди ва бир қатор муҳим қарорлар қабул қилинди.
Шунингдек, CATA шафелигида биринчи мусобақаларнинг ўтказилиш муддатлари аниқ бўлди. Триатлон бўйича мусобақаларга биринчи марта жорий йилнинг 5 октябрь кунидан старт берилади.
Паратриатлон бўйича CATA биринчи старти эса 22 сентябрь куни Қозоғистоннинг Оқтау шаҳри мезбонлик қиладиган биринчи Осиё кубоги доирасида ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)