«2,5 баробар оширилган божларни тўлаш бошланди». Даврон Кабулов «Ўзбекконцерт»нинг расмий огоҳлантиришига муносабат билдирди

«Миллион» жамоаси 2019 йилнинг 16 июлига қадар 187 миллион сўм давлат божини тўламаса, лицензияси бекор қилиниши ҳақида «Ўзбекконцерт» ДМ ўзининг расмий сайтида эълон қилган эди.

«Миллион» жамоаси аъзоси Даврон Кабулов ўзининг Instagram’даги саҳифасида «Ўзбекконцерт»нинг огоҳлантириши ва вилоятлар бўйлаб «Миллион» жамоасининг «гастроль концертлари бекор қилиниши», ҳақидаги хабарларга муносабат билдирди.

‘Миллион’ жамоасининг Наманган, Жиззах, Андижон, Фарғона, Бухоро ва Шаҳрисабз шаҳарларига мўлжалланган гастроль сафарлари бекор қилиниши ҳақидаги хавотирлар асоссиз.

‘Ўзбекконцерт’ ДМ томонидан 2,5 баробар ошириб қўйилган божларни тўлаш бугундан бошланди.

‘Миллион’ жамоаси лицензия йиғими ва уни кўриб чиқиш учун олинадиган божлар, ҳар  бир сеанс учун тўланадиган бир марталик концерт-гастроль рухсатномаси йиғими ва умуман, даромад солиғи, пенсия, мактаб, автомобиль йўлларини таъмирлаш фондлари йиғимлари, ҚҚС ва бошқа мажбурий тўловларни тартибли солиқ тўловчи сифатида кечиктирмаган ва тўлашни давом эттиради.

Даврон Кабулов, «Миллион» жамоаси аъзоси