Бухоро вилоятида 2019 йилнинг 6 ойи давомида Бош прокуратура, Олий суд, Адлия, Бандлик ва меҳнат муносабатлари, Уй-жой коммунал хизмат кўрсатиш ва ИИВ, Давергеодезкадастр қўмитаси, «Ўзтрансгаз» АЖ , МИБ ҳамда Марказий банк масъул раҳбарлари, шунингдек, ҳудудий сектор раҳбарлари иштирокида оммавий сайёр қабуллар ташкил этилди.
Бухоро вилояти халқ қабулхонасининг «Дарё»га маълум қилишича, сайёр қабулларда жами 9295 та масала бўйича мурожаат келиб тушган.
Ушбу қабуллар натижаларини соҳалар кесимида қаралганда энг кўп мурожаатлар меҳнат ва аҳоли бандлиги масалаларига оид 1036 та, газ, электр ва сув таъминотини яхшилаш 854 та, уй жой, ер билан таъминлаш 823 та, соғлиқни сақлаш 678 та, йўл қурилиши 578 та, коммунал тўловлар билан боғлиқ 565 та, моддий ёрдам, нафақа олиш масаласида 512 та, давлат хизматларига таалуқли масалалар бўйича 478 та, суд масалаларига оид 456 та, кредит олиш 425 та, ички ишлар органлари фаолияти билан боғлиқ 326 та, қурилиш соҳасига оид 296 та келиб тушган.
Ушбу қабуллар жараёнида муаммоларнинг 5159 таси ўз жойида, ҳуқуқий маслаҳат бериш орқали ҳал қилинган бўлса, 4136 та мурожаатларнинг кўриб чиқилиши назоратга олинган.
Қўшимча маблағ ва вақт талаб қилувчи 4150 га яқин мурожаатлар, «йўл харитаси»га киритилган.
Изоҳ (0)