7 июль, якшанба куни футбол бўйича Ўзбекистон Лига Кубогининг 3-тур учрашувлари доирасида 4 та учрашув бўлиб ўтди.
Куннинг дастлабки ўйинида «Қўқон-1912» клуби ўз майдонида «Бухоро»ни қабул қилди.
Учрашув давомида мезбон жамоа ярим ҳимоячиси Суҳроб Бердиев (3—пенальти, 7, 24, 90+1) покерга эришган бўлса, унинг жамоадоши Темур Усмонов (28, 51) дубл қайд этди. Бухороликлардан эса ҳужумчи Андрей Сидоров 59-дақиқада пенальтидан гол урди.
Шу тариқа қўқонликлар мусобақанинг 3-турида «Бухоро» клубини йирик ҳисобда таслим этди (6:1).
Рўзиқул Бердиев қўл остидаги Қаршининг «Насаф» клуби сафарда «Машъал»га қарши майдонга тушди.
Ўйинда «Машъал» ҳужумчиси Мўмин Мелиевнинг 16-дақиқада киритган голига қаршиликлар Бобур Абдуҳолиқовнинг (18, 25, 30) ҳет-трики ҳамда Дониёр Нарзуллаевнинг голи билан жавоб қайтарди.
Натижада «Насаф» меҳмонда «Машъал»ни 4:1 ҳисобида мағлубиятга учратди.
Шу куни «Андижон» клуби ўз уйида Наманганнинг «Навбаҳор» жамоаси билан баҳсга киришди.
Беллашув вақтида Андижон клуби вакиллари Сардор Сулаймонов (35), Дилшод Раҳматуллаев (50) ва Дониёр Исмоилов (60) ўз номига биттадан гол ёздириб қўйди.
Шу тариқа «Андижон» «Навбаҳор» дарвозасига жавобсиз 3 та гол урди ва 3 очкога эга бўлди.
Турнинг марказий ўйинида Тошкентнинг икки клуби «Пахтакор» ҳамда «Локомотив» ўзаро беллашди.
Тўқнашувнинг 18-дақиқасида «шерлар» ярим ҳимоячиси Сардор Собирхўжаев ҳисобни очган бўлса, 66-дақиқага келиб «темирйўлчилар» аъзоси Азизбек Омонов ҳисобни тенглаштирди (1:1). 75-дақиқада эса ҳужумчи Игорь Сергеев «Пахтакор»нинг ғалаба голига муаллифлик қилди (2:1).
Мусобақанинг 3 та тури якунига кўра чорак финалга йўл олган клублар маълуб бўлди. Қуръа орқали чорак финал жуфтликлари аниқлаб олинади. Ҳозирча қуръа қачон бўлиши маълум эмас.
Чорак финалга чиққан клублар:
- «А» гуруҳи: «Шўртан», «Динамо»
- «B» гуруҳи: «Қўқон-1912», «Пахтакор»
- «C» гуруҳи: ОКМК, «Металлург»
- «D» гуруҳи: «Андижон», «Насаф»
Ўзбекистон Лига Кубоги
3-тур баҳслари
7 июль, якшанба
«Қўқон-1912»—«Бухоро» 6:1
Голлар: 1:0 — 3, пенальти, Суҳроб Бердиев, 2:0 — 7 Суҳроб Бердиев, 3:0 — 24 Суҳроб Бердиев, 4:0 — 28 Темур Усмонов, 5:0 — 51 Темур Усмонов, 5:1 — 59, пенальти, Андрей Сидоров, 6:1 — 90+1 Суҳроб Бердиев«Машъал»—«Насаф» 1:4
Голлар: 1:0 — 16 Мўмин Мелиев, 1:1 — 18 Бобур Абдуҳолиқов, 1:2 — 25 Бобур Абдуҳолиқов, 1:3 — 30 Бобур Абдуҳолиқов, 1:4 — 81 Дониёр Нарзуллаев«Андижон»—«Навбаҳор» 3:0
Голлар: 1:0 — 35 Сардор Сулаймонов, 2:0 — 50 Дилшод Раҳматуллаев, 3:0 — 60 Дониёр Исмоилов«Пахтакор»—«Локомотив» 2:1
Голлар: 1:0 — 18 Сардор Собирхўжаев, 1:1 — 66 Азизбек Омонов, 2:1 — 75 Игорь СергеевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)