Иркутскдаги сув тошқинлари оқибатида ҳалок бўлганлар сони 12 кишига етди
Иркутск вилоятидаги сув тошқинлари оқибатида ҳалок бўлганлар сони 12 кишига етди, яна 9 киши бедарак йўқолганлар рўйхатида турибди. Бу ҳақда минтақадаги тошқин оқибатларини бартараф этиш комиссияси раҳбари, бош вазир ўринбосари Виталий Муткога таяниб, TJournal хабар берди.
«751 киши жабрланди, 153 нафари ҳозирда шифохонага ётқизилган ва бу бўйича рақамлар ўзгаргани йўқ. ИИВ маълумотларига кўра, афсуски, ҳалок бўлганлар сони 12 кишига етди. Яна тўққиз киши қидирувда», — дейди Виталий Мутко.
Прокуратура Иркутск вилоятида тошқинлар ФВВ ҳамда маҳаллий ўзини ўзи бошқариш органларининг фаолиятида қонун бузилишлари сабаб юзага келанганини билдирган.
Июнь ойининг охирида Иркутск вилоятида кузатилган кучли ёмғир учта дарё сувининг ўзанидан тошишига олиб келган эди.
