«Реал» «Аякс» ярим ҳимоячиси Донни ван де Бекка қизиқмоқда, дея хабар берди Marca.
Мадрид клуби «Манчестер Юнайтед» хавбеки Поль Погба билан трансферини ҳал эта олмаган тақдирда бор эътиборини 22 ёшли футболчига қаратади.
Погбадан кўра Донни билан шартнома имзолаш «Қироллик клуби» учун ҳам осонроқ, ҳам арзонга тушади. Нидерландияликнинг трансфер нархи 60 миллион еврога баҳоланмоқда.
Маълумот учун, ван де Бек «Аякс» тарбияланувчиси ҳисобланади. У 2018/19 йилги мавсум амстердамликлар сафида барча мусобақаларни ҳисоблаганда 57 та ўйинда майдонга тушиб, ўз номига 17 та гол ёздириб қўйди ҳамда 13 та голли узатма беришга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)