Ўзбекистон чемпионатида иштирок этувчи барча клублар бош мураббийлари учун белгиланган кийиниш тартиби (дресс-код) бекор қилинди. Бу ҳақда Ўзбекистон Профессионал футбол лигаси расмий сайтида хабар берилди.
Таъкидланишича, жаҳон футболини кузатишдан келиб чиққан ҳолда Суперлигада иштирок этувчи клублар мураббийларига расмий бўйинбоғ тақиш мажбурияти бекор қилинган. Бундан ташқари ўйин давомида қўшимча қулайлик яратиш мақсадида клубнинг расмий спорт экипировкасида бўлишга ҳам рухсат этилган.
Эслатиб ўтамиз, 17 июнь, душанба куни Даврон Шоқурбонов Профессионал футбол лигаси директори вазифасини вақтинча бажарувчи этиб тайинланган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)