Колорадолик ўқитувчи касал боланинг ҳаётини сақлаб қолиш учун уни асраб олди

Колорадо штатида Динн Ланнинг исмли математика ўқитувчиси 13 ёшли бемор болани асраб олди, деб хабар беради Forum Daily.

Ўқитувчининг айтишича, у 2018 йилнинг августида, ўқув йили бошланганидаёқ болакай ўзига хос эканлигини пайқаган. «У жуда одобли тарбияланган ва ниҳоятда ақлли», — дейди Ланнинг.

Болакай ўз ҳаёти давомида кўплаб муаммоларга дуч келган. 8 ёшида унинг буйраклари ишдан чиққан.

Ўтган йиллар давомида болакай кўплаб оилаларда яшаган ва буйрак трансплантациясига муҳтож бўлган. Орган кўчириб ўтказилиши лозим бўлган беморлар рўйхатига кириш учун доимий яшаш жойига эга бўлиш керак. Демиэн ҳар сафар бир оиладан бошқасига ўтганида рўйхатда пастлаб бораверган.

Ўқув семестрининг охирида Демиэн Ланнингнинг олдига келиб, энди дарсга кела олмаслигини маълум қилган. Демиэн қариндоши уни болалар уйига қайтариб жўнаётганини, шу сабабли яна трансплантацияга муҳтожлар қаторидан тушиб кетаётганини билдирган.

Болакай уй шароитида ҳар куни 12 соатлаб диализ аппаратига уланган ҳолда ўтириши ва диетага қаттиқ риоя қилиши лозим бўлган.

Декабрь ойида Ланнинг Демиэнга қарашни бошлайди. Март ойида эса Демиэнга буйрак кўчириб ўтказилган ва ҳозирда у махсус диетага риоя қилган ҳолда ўзини тикламоқда.

Келажакда ўқитувчи болакайни асраб олишни орзу қилмоқда.