Урганч шаҳридаги «Болалар уйи» Хоразм вилояти ИИБ томонидан мунтазам моддий ва маънавий қўллаб-қувватлаб келинади. Бу ҳақда ИИБ матбуот хизмати хабар бермоқда.
Жорий йил ҳам Халқаро болаларни ҳимоя қилиш куни муносабати билан ИИБ масъул ходимлари «Болалар уйи»га келди.
Байрам совғаси сифатида ажратилган болалар кийим-кечаклари ва маиший-хўжалик анжомлари «Болалар уйи» маъмуриятига топширилди.
Байрам муносабати билан ташкилланган тадбирлардан яна бири Хива шаҳридаги «Меҳрибонлик уйи»да бўлиб ўтди. Унда ИИБ Миграция ва фуқароликни расмийлаштириш бошқармаси ходимлари «Меҳрибонлик уйи» тарбияланувчиларидан 13 нафарига фуқаролик паспортларини топширди.
Шунингдек, хизмат вазифасини бажариш вақтида ҳалок бўлган ходимлар, фахрийларининг фарзандлари Хоразм драма театри жамоаси томонидан саҳналаштирилган «Нур қилич» спектаклига таклиф этилди.
Изоҳ (0)