«Тахтлар ўйини» сериалида Жон Сноу ролини ижро этган актёр Кит Харрингтон шоу финалига чиққанидан сўнг реабилитация шифохонасига ётди. Бу ҳақда Page Six хабар берди.
Бир қатор манбаларнинг таъкидлашича, 32 ёшли артист сериал тугагани «қаттиқ зарба бўлгани» сабабли стресс, қаттиқ чарчаш ва спиртли ичимликларга ружу қўйишга қарши Prive-Swiss шифохонасида даволанмоқда.
Хусусан, Харрингтон дўстининг айтишича, актёр «охир-оқибат ҳаммаси тугаган»лигини англаган.
Шифокорлар унга психологик тренинглар, конитив терапиялар ва медитация тавсия қилган. Сериалда «ёввойилашган» Игритт ролини ўйнаган Харрингтоннинг рафиқаси Роуз Лесли турмуш ўртоғининг ёнида. Шифохонада бир ойлик даволаниш нархи 120 минг долларни ташкилл этади.
Аввалроқ HBO телеканали «Тахтлар ўйини» сериалини суратга олиш жараёни ҳақида ҳужжатли фильм намойиш этганди. Мухлислар ижтимоий тармоқда шоу якуни актёрларга қандай таъсир этгани кўрсатилган видеопарчалар жойлаган. Фойдаланувчилардан бири улашган видеода сценарий ўқилаётганда Харингтон бошини чангаллаб, кўз ёшларини аранг тийиб тургани акс этган.
Изоҳ (0)