Ҳар йил Ўзбекистонга жаҳоннинг 70 га яқин мамлакатидан 2-3 миллионга яқин сайёҳ ташриф буюради. Улар орасида зиёрат туризми учун келадиганлар ҳам анчагина. Бу ҳақда ЎзА хабар бермоқда.
Шу кунларда Ўзбекистонга хориждан аёли билан келган мусулмон эркак таровеҳ намози учун масжидга кирса, унинг аёли учун қандай қулайлик таклиф қилиш мумкин? Ахир бизда хотин-қизлар масжидга кирмайди.
Бу саволга Ўзбекистон мусулмонлари идораси котибият мудири Муҳаммадаюб Ҳомидов шундай жавоб берди.
— Ҳозирда зиёрат туризми ривожланиб бораётгани қувонарли, – дейди исломшунос олим. – Сабаби, юртимизга ҳар куни минглаб сайёҳлар келмоқда. Ҳасти Имом даҳасида ҳам ҳар куни кўплаб сайёҳларни учратамиз. Зиёрат туризми йўналишида Индонезия, Малайзия, БАА каби давлатлардан кўплаб эркак ва аёллар келмоқда.
Турмуш ўртоғи ёки дугоналари билан келган сайёҳатчи хотин-қизлар учун масжидлар ва зиёратгоҳларнинг ёнидаги масжидларда алоҳида шароитлар яратилган. Улар бемалол намоз ўқишига қулайликлар бор. Аммо, кечаси таровеҳ намозларида... Тошкент мисолида айтадиган бўлсак, одам жуда кўп бўлиб, масжидларни аҳоли тўла эгаллаб олгани учун аёлларга бу борада қулайлик қилиш имкони бўлмади. Чет эллик зиёрат туризми билан келган аёл намозхонлар учун келажакда шароитлар яратиш чораси кўрилади.
Изоҳ (0)