Англия Премьер лигасида апрель ойининг энг яхши ўйинчиси маълум бўлди. Мазкур номга «Лестер» ҳужумчиси Жейми Варди муносиб деб топилди. Бу ҳақда лиганинг Twitter’даги расмий саҳифасида эълон қилинди.
32 ёшли англиялик футболчи апрель ойида «тулкилар» сафида 4 та учрашувда майдонга тушиб, 5 та голга муаллифлик қилди.
Мазкур номга Вардидан ташқари Эден Азар («Челси»), Жордан Ҳендерсон («Ливерпуль»), Аймерик Ляпорт («Манчестер Сити»), Шейн Лонг («Саутҳэмптон»), Аёзе Перес («Ньюкасл»), Муҳаммад Салоҳ («Ливерпуль»), Крис Вуд («Бёрнли») даъвогарлик қилганди.
Апрель ойининг энг яхши ўйинчиси номига даъвогарлик қилган футболчилар қайд этган натижалар:
- Жейми Варди («Лестер») — 5 та гол
- Эден Азар («Челси») — 3 та гол ва 2 та голли узатма
- Жордан Ҳендерсон («Ливерпуль») — Битта гол ва 3 та голли пас
- Аймерик Ляпорт («Манчестер Сити») — 1 та голли пас ва 4 та қуруқ ўйин
- Шейн Лонг («Саутҳэмптон») — 4 та гол
- Аёзе Перес («Ньюкасл») — 5 та гол
- Муҳаммад Салоҳ («Ливерпуль») — 4 та гол ва 1 та голли узатма
- Крис Вуд («Бёрнли») — 3 та гол ва 2 та голли пас
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)