Angliya Premyer ligasida aprel oyining eng yaxshi o‘yinchisi ma’lum bo‘ldi. Mazkur nomga “Lester” hujumchisi Jeymi Vardi munosib deb topildi. Bu haqda liganing Twitter’dagi rasmiy sahifasida e’lon qilindi.
32 yoshli angliyalik futbolchi aprel oyida “tulkilar” safida 4 ta uchrashuvda maydonga tushib, 5 ta golga mualliflik qildi.
Mazkur nomga Vardidan tashqari Eden Azar (“Chelsi”), Jordan Henderson (“Liverpul”), Aymerik Lyaport (“Manchester Siti”), Sheyn Long (“Sauthempton”), Ayoze Peres (“Nyukasl”), Muhammad Saloh (“Liverpul”), Kris Vud (“Byornli”) da’vogarlik qilgandi.
Aprel oyining eng yaxshi o‘yinchisi nomiga da’vogarlik qilgan futbolchilar qayd etgan natijalar:
- Jeymi Vardi (“Lester”) — 5 ta gol
- Eden Azar (“Chelsi”) — 3 ta gol va 2 ta golli uzatma
- Jordan Henderson (“Liverpul”) — Bitta gol va 3 ta golli pas
- Aymerik Lyaport (“Manchester Siti”) — 1 ta golli pas va 4 ta quruq o‘yin
- Sheyn Long (“Sauthempton”) — 4 ta gol
- Ayoze Peres (“Nyukasl”) — 5 ta gol
- Muhammad Saloh (“Liverpul”) — 4 ta gol va 1 ta golli uzatma
- Kris Vud (“Byornli”) — 3 ta gol va 2 ta golli pas
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)