24 апрель, чоршанба куни футбол бўйича Англия премьер лигасининг 31-тури доирасида қолдирилган 2 та учрашув бўлиб ўтди.
Куннинг дастлабки ўйинида Унаи Эмери қўл остидаги Лондоннинг «Арсенал» клуби «Вулверҳэмптон» майдонига сафар қилди.
Беллашув давомида мезбон жамоа аъзолари Рубен Невеш (28), Метт Доэрти (37) ва Диогу Жота (45+2) киритган тўпларга «тўпчилар» ҳимоячи Сократис Папастатопулоснинг урган ягона голи эвазига жавоб қайтарди (3:1).
Шу тариқа лондонликлар меҳмонда кечган баҳсда «бўрилар»га мағлуб бўлди ва муҳим 3 очкодан маҳрум бўлди (1:3).
Шу куни Манчестернинг икки клуби «Юнайтед» ҳамда «Сити» «Олд Траффорд» стадионида куч синашди.
Ўйиннинг 54-дақиқасида «шаҳарликлар» ҳужумчиси Бернарду Силва ҳисобни очган бўлса, 66-дақиқага келиб захирадан майдонга тушган Лерой Сане Раҳим Стерлинг узатмасини голга айлантирди (2:0).
Шу тариқа Манчестер дербисида «Сити»нинг қўли баланд келди ва навбатдаги 3 очкога эга бўлди.
Мазкур ғалабадан сўнг Пеп Гвардиола шогирдларининг очколари сони 89 тага етди ва клуб мусобақа жадвалида етакчиликни ўз қўлига олди. 2-ўринда бораётган «Ливерпуль»да ҳисобида эса 88 очко мавжуд.
АПЛ
24 апрель, чоршанба
31-тур қолдирилган ўйин
«Вулверҳэмптон»—«Арсенал» 3:1
Голлар: 1:0 — 28 Невеш, 2:0 — 37 Доэрти, 3:0 — 45+2 Жота, 3:1 — 80 Папастатопулос«Манчестер Юнайтед»—«Манчестер Сити» 0:2
Голлар: 0:1 — 0:1 — 54 Бернарду Силва, 0:2 — 66 Сане«Манчестер Юнайтед»: Де Хеа, Дармиан (Санчес, 83), Смоллинг, Линделёф, Шоу, Янг, Фред, Перейра (Лукаку, 72), Погба, Лингард (Марсиал, 83), Рэшфорд
«Манчестер Сити»: Эдерсон, Уолкер, Компани, Ляпорт, Зинченко, Фернандиньо (Сане, 51), Гундўғон (Данило, 89), Силва, Бернарду, Стерлинг, Агуэро (Жезус, 89)
Огоҳлантиришлар: Компани (10), Перейра (24), Зинченко (26), Шоу (89)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)