Бугун,

  • USD 10940.05
  • RUB 182.26
  • EUR 11121.65

Жиззах вилояти Шароф Рашидов туманидан бўлган В.Мирзаев Мажбурий ижро бюроси туман бўлими давлат ижрочиларига фаол қаршилик кўрсатиши оқибатида бугун панжара ортида ўтирибди. Бу ҳақда МИБ матбуот хизмати «Дарё»га маълум қилди.

Иллюстратив сурат

Иллюстратив сурат

МИБ Ш.Рашидов туман бўлими давлат ижрочиси Жиззах вилоят иқтисодий судининг «Мулла» хусусий корхонасидан «Маржона Сарвиноз» МЧЖ фойдасига 36 млн. сўм ижара ҳақи ундириш тўғрисидаги ижро иши бўйича корхонага тегишли тош майдалаш карерида ижро ҳаракатларини олиб боради. «ZL-50GL» русумли автоюклагич (малютка)ни хатловга олишаётганида эса корхона қоровули бўлиб ишлаётган В.Мирзаев ишлаб турган бензин двигателли арра (мотопила) билан давлат ижрочисига ташланиб, Бюро ходимини уради.

Мазкур ҳолат юзасидан жиноят ишлари бўйича Шароф Рашидов туман судининг ҳукмига кўра, В.Мирзаев Ўзбекистон Республикаси жиноят кодекси 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш)нинг 2-қисмида кўрсатилган жиноятни содир қилганликда айбли деб топилиб, 1 йил озодликдан маҳрум этилди.

Изоҳ
Асосий янгиликлар