14 апрель, якшанба куни футбол бўйича Италия чемпионатининг 32-тури доирасида навбатдаги 6 та ўйин якунланди.
Европа Лигаси 1/4 финалининг илк ўйинида «Арсенал»га имкониятни бой берган (0:2) «Наполи» меҳмонда «Кьево»ни синовдан ўтказди.
Учрашув давомида меҳмон жамоа аъзолари Калиду Кулибали (15 ва 81) ҳамда Аркадиуш Милик (64) киритган голларга «Кьево» ҳимоячи Боштян Сесарнинг урган ягона голи билан жавоб қайтарди.
Шу тариқа неаполликлар сафарда кечган баҳсда «Кьево» жамоасини 3:1 ҳисобида мағлубиятга учратди ва 3 очкони қўлга киритди.
Шу куни Лучано Спаллетти бошқарувидаги Миланнинг «Интер» клуби «Фрозиноне» билан ўйнади.
Беллашувнинг 19-дақиқасида Милан клуби ярим ҳимоячиси Ража Наингголан Данило Д'Амброзио узатмасини голга айлантирган бўлса, 37-дақиқага келиб хорватиялик Иван Перишич рақиб дарвозасини пенальтидан ишғол қилди (2:0). 61-дақиқада эса мезбон жамоа азъоси Франческо Кассата Самир Ҳанданович дарвозасига гол урди ва ҳисобни қисқартирди (2:1). 2-бўлимга қўшиб берилган дақиқада (90+3) миланликларнинг яна бир ярим ҳимоячиси Матиас Весино ҳам ўз номига битта гол ёздириб қўйди (3:1).
Шу тариқа «Интер» меҳмонда кечган баҳсда «Фрозиноне»ни таслим қилди (3:1).
А Серия
32-тур баҳслари
14 апрель, якшанба
«Торино»—«Кальяри» 1:1
Голлар: 1:0 — 52 Заза, 1:1 — 78 Паволетти«Сассуоло»—«Парма» 0:0
«Сампдория»—«Женоа» 2:0
Голлар: 1:0 — 3 Дефрел, 2:0 — 53, пенальти, Квальярелла«Фиорентина»—«Болонья» 0:0
«Кьево»—«Наполи» 1:3
Голлар: 0:1 — 15 Кулибали, 0:2 — 64 Милик, 0:3 — 81 Кулибали, 1:3 — 90 Сесар«Фрозиноне»—«Интер» 1:3
Голлар: 0:1 — 19 Наингголан, 0:2 — 37, пенальти, Перишич, 1:2 — 61 Кассата, 1:3 — 90+3 ВесиноЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)