14-aprel, yakshanba kuni futbol bo‘yicha Italiya chempionatining 32-turi doirasida navbatdagi 6 ta o‘yin yakunlandi.
Yevropa Ligasi 1/4 finalining ilk o‘yinida “Arsenal”ga imkoniyatni boy bergan (0:2) “Napoli” mehmonda “Kyevo”ni sinovdan o‘tkazdi.
Uchrashuv davomida mehmon jamoa a’zolari Kalidu Kulibali (15 va 81) hamda Arkadiush Milik (64) kiritgan gollarga “Kyevo” himoyachi Boshtyan Sesarning urgan yagona goli bilan javob qaytardi.
Shu tariqa neapolliklar safarda kechgan bahsda “Kyevo” jamoasini 3:1 hisobida mag‘lubiyatga uchratdi va 3 ochkoni qo‘lga kiritdi.
Shu kuni Luchano Spalletti boshqaruvidagi Milanning “Inter” klubi “Frozinone” bilan o‘ynadi.
Bellashuvning 19-daqiqasida Milan klubi yarim himoyachisi Raja Nainggolan Danilo D’Ambrozio uzatmasini golga aylantirgan bo‘lsa, 37-daqiqaga kelib xorvatiyalik Ivan Perishich raqib darvozasini penaltidan ishg‘ol qildi (2:0). 61-daqiqada esa mezbon jamoa az’osi Franchesko Kassata Samir Handanovich darvozasiga gol urdi va hisobni qisqartirdi (2:1). 2-bo‘limga qo‘shib berilgan daqiqada (90+3) milanliklarning yana bir yarim himoyachisi Matias Vesino ham o‘z nomiga bitta gol yozdirib qo‘ydi (3:1).
Shu tariqa “Inter” mehmonda kechgan bahsda “Frozinone”ni taslim qildi (3:1).
A Seriya
32-tur bahslari
14-aprel, yakshanba
“Torino”—“Kalyari” 1:1
Gollar: 1:0 — 52 Zaza, 1:1 — 78 Pavoletti“Sassuolo”—“Parma” 0:0
“Sampdoriya”—“Jenoa” 2:0
Gollar: 1:0 — 3 Defrel, 2:0 — 53, penalti, Kvalyarella“Fiorentina”—“Bolonya” 0:0
“Kyevo”—“Napoli” 1:3
Gollar: 0:1 — 15 Kulibali, 0:2 — 64 Milik, 0:3 — 81 Kulibali, 1:3 — 90 Sesar“Frozinone”—“Inter” 1:3
Gollar: 0:1 — 19 Nainggolan, 0:2 — 37, penalti, Perishich, 1:2 — 61 Kassata, 1:3 — 90+3 VesinoYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)