Huawei 4 апрель куни Олмаотада Huawei P30 смартфонлар сериясининг тақдимотини ўтказди. Huawei P30 телефонлари компаниянинг асосий камерафонларига айланиб, инновацион спектрал сенсор, суперзум объектив, янги ToF-камера (Time of Flight) ҳамда OIS ва AiC тасвирларни стабилизациясини таъминлайдиган технологияга эга бўлгани учун смартфонларни профессионал камералар билан рақобат қилиши тахмин қилинмоқда.
Суратга олишда профессионалликнинг янги даражаси ҳақида
Huawei P30 смартфонлари мобил расм ҳақидаги тасаввурларингизни ўзгартириб юборади. Маълумотларга кўра, Huawei P30 Pro смартфони DxOMark рейтингида энг юқори қўрсатгич – 112 баллни қайд қилган. Ушбу смартфонлар тўрт камерали янги Leica модули билан жиҳозланган бўлиб, Huawei спектрал сенсорига эга 40 мегапикселли асосий камера, 20 мегапикселли ультра кенг бурчакли объектив, 8 мегапикселли телефото-объектив, шунингдек ToF-камерани ўз ичига олган.
Смартфонларга селфи суратга олиш учун 32 мегапикселли олд камера ўрнатилаган.
Янги камерафонларнинг 1/1.7-дюймли спектрал сенсори ёруғликни бутунлай бошқача қабул қилади. Сенсорнинг RYYB ранг фильтри анъанавий RGB фильтрдан фарқ қилади, чунки янги RYYB ранг филтерида яшил пикселлар сариқ пикселларга алмаштирилган. Камераларнинг ёруғлик кучи қувватли объективлари (f/1.6) ва Huawei AiC+OIS Huawei P30 Pro мувозанатлаш тизими билан уйғунликда сенсор технологияси суратга олишда туб ўзгаришларни бошлаб беради.
Перископик тузилишга эга бўлган суперзум объектив юқори сифатда 5 каррали оптик катталаштириш имконига эга. Сенсор ҳам 10 каррали гибрид зум ва 50 карра катталаштирадиган рақамли зумга эга. Призматик оптик элемент ёруғликни 90 даражага «синдириб», максимал фокуслаш тизими билан таъминланган.
Huawei AI HDR+ функцияси орқали олд ва асосий камераларда суратлар сериясини тўсиқ ва чуқур сояларсиз керакли экспозициялар билан битта якуний суратга бирлаштириш мумкин. Портрет режими юз атрофидаги сочнинг ингичка кокиллари каби энг майда деталларни ҳам сақлаш хусусиятига эга.
Компания янги смартфонларини имкониятлари чексиз деб эътироф этилмоқда
Huawei P30 ва P30 Pro моделларида қуввати ҳамда иш самарадорлиги бўйича устунликни таъминловчи бир қатор илғор функцияларга эга. Смартфонларда Huawei Kirin 980 проссесоридан фойдаланилган. Бу эса юқори иш самарадорлиги ва энергия тежашга ёрдам беради.
Маълумотларга кўра, Huawei смартфонлари Ўзбекистон бозорига май ойининг бошида чиқарилади.
Huawei P30 - 700 АҚШ доллари ҳамда Huawei P30 Pro – 990 АҚШ доллари баҳосида сотилиши режалаштирилган.
Изоҳ (0)