31 март, якшанба куни футбол бўйича Испания чемпионатининг 29-турида охирги 5 та ўйин бўлиб ўтди.
Зинедин Зидан бошқарувидаги «Реал Мадрид» жамоаси «Сантьяго Бернабеу» стадионида «Уэска»ни синовдан ўтказди.
Учрашувнинг 3-дақиқасидаёқ меҳмон жамоа ҳужумчиси Хуан Эрнандес Лука Зидан қўриқлаётган дарвозани ишғол қилган бўлса, 25-дақиқага келиб Иско ҳисобни тенглаштирди (1:1).
62-дақиқада эса Дани Себальос Карим Бензема узатмасини голга айлантирди ва жамоасини ҳисобда олдинга олиб чиқди (2:1). 74-дақиқада Хавьер Эчеита ҳисобни 2:2 кўринишига олиб келди.
Беллашувнинг асосий вақти тугашига 1 дақиқа қолганда франциялик ҳужумчи Карим Бензема томонидан киритилган гол «Қироллик клуби»нинг ғалабасини таъминлади ва қийин кечган ўйинда мадридликлар муҳим 3 очкони қўлга киритди (3:2).
Ла Лига
29-тур баҳслари
31 март, якшанба
«Леванте»—«Эйбар» 2:2
Голлар: 1:0 — 5 Моралес, 1:1 — 19 Эскаланте, 2:1 — 26 Рочина, 2:2 — 78 Энрик«Райо Вальекано»—«Бетис» 1:1
Голлар: 1:0 — 34 де Томас, 1:1 — 81 Телио«Севилья»—«Валенсия» 0:1
Голлар: 0:1 — 45, пенальти, Парехо«Вальядолид»—«Реал Сосьедад» 1:1
Голлар: 1:0 — 9 Кеко, 1:1 — 79 Оярсабал«Реал Мадрид»—«Уэска» 3:2
Голлар: 0:1 — 3 Эрнандес, 1:1 — 25 Иско, 2:1 — 62 Себальос, 2:2 — 74 Эчеита, 3:2 — 89 БенземаЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)