17 март, якшанба куни футбол бўйича Италия чемпионатининг 28-тури доирасида 5 та учрашув бўлиб ўтди.
Мусобақа жадвалида иккинчи ўринда бораётган Карло Анчелотти бошқарувидаги «Наполи» клуби ўз майдонида «Удинезе» билан баҳсга киришди.
Учрашувнинг 17-дақиқасида неаполликлар ярим ҳимоячиси Амин Юнус рақиб дарвозасини ишғол қилган бўлса, 26-дақиқага келиб Хосе Кальехон ҳисобни 2:0 кўринишига олиб келди. Орадан 4 дақиқа ўтиб Кевин Лазанья орадаги фарқни қисқартирди (2:1). 36-дақиқада эса Секо Фофана ҳисобни тенглаштирди (2:2).
2-бўлимнинг 57-дақиқасида Аркадиуш Милик Хосе Кальехон узатган тўпни «Удинезе» дарвозасига жойлаб қўйди. 69-дақиқага келиб эса Дрис Мертенс жамоасининг 4-голига муаллифлик қилди (4:2).
Шу тариқа Карло Анчелотти шогирдлари ўз уйида «Удинезе» устидан ишончли ғалабани қўлга киритди (4:2).
Турнинг марказий ўйинида Миланнинг икки клуби «Милан» ҳамда «Интер» жамоалари ўзаро тўқнаш келди.
Учрашувнинг 3-дақиқасидаёқ Матиас Весино ҳисобни очган бўлса, 51-дақиқага келиб Стефан де Врей ҳисобни 2:0 кўринишига олиб келди. 57-дақиқада «россонерилар» аъзоси Темуэ Бакайоко ҳисобни қисқартирди (1:2). 67-дақиқада эса ҳакам томонидан «Милан»дарвозаси томон 11 метрлик жарима зарбаси белгиланди ва ундан Лаутаро Мартинес унумли фойдаланди (1:3). Орадан 4 дақиқа ўтиб Матео Мусаккио жамоасининг 2-голига муаллифлик қилди (2:3). Мазкур ҳисоб ўйин охирига қадар ўзгармай қолди.
Шу тариқа Милан дербисида Лучано Спалетти шогирдларининг қўли баланд келди ва муҳим 3 очкони қўлга киритди.
28-турдан сўнг мусобақа жадвалидаги ҳолат:
А Серия
28-тур баҳслари
17 март, якшанба
«Аталанта»—«Кьево» 1:1
Голлар: 0:1 — 32 Межиорини, 1:1 — 55 Иличич«Эмполи»—«Фрозиноне» 2:1
Голлар: 1:0 — 20 Капуто, 2:0 — 38 Паяк, 2:1 — 70 Валзания«Лацио»—«Парма» 4:1
Голлар: 1:0 — 22 Марусик, 2:0 — 26 Альберто, 3:0 — 38 Альберто, 4:0 — 44 Лулич, 4:1 — 77 Спрокати«Наполи»—«Удинезе» 4:2
Голлар: 1:0 — 17 Юнус, 2:0 — 26 Кальехон, 2:1 — 30 Лазанья, 2:2 — 36 Фофана, 3:2 — 57 Милик, 4:2 — 69 Мертенс«Милан»—«Интер» 2:3
Голлар: 0:1 — 3 Весино, 0:2 — 51 де Верй, 1:2 — 57 Бакайоко, 1:3 — 67, пенальти, Мартинес, 2:3 — 71 Мусаккио.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)