Англия терма жамоаси бош мураббийи Гарет Саутгейт Чехия ва Черногория терма жамоаларига қарши майдонга тушиши мумкин бўлган ўйинчилар рўйхатини эълон қилди. Бу ҳақда Англия футбол ассоциациясининг расмий сайтида хабар берилди.
«Вест Ҳэм» ҳимоячиси Деклан Райс терма жамоага биринчи марта чақирилди. Аввалроқ ФИФА Райснинг Ирландия таркибида 3 та ўртоқлик учрашувида майдонга тушганига қарамай, Англия термасида ўйнашига рухсат берганди.
«Тоттенҳэм» ярим ҳимоячиси Ҳарри Уинкс ва «Манчестер Юнайтед» хавбеки Жесси Лингард жароҳати туфайли терма жамоага чақирилмади.
Эслатиб ўтамиз, 22 март куни Англия термаси Евро—2020 мусобақасига саралаш доирасида Чехияга қарши майдонга тушса, 25 март куни эса Черногория терма жамоаси билан баҳсга киришади.
Англия терма жамоасининг тахминий таркиби:
Дарвозабонлар: Жек Батленд, Том Хитон, Жордан ПикфордҲимоячилар: Трент Александер-Арнольд, Бен Чилуэлл, Майкл Кин, Ҳарри Магуайр, Дэнни Роуз, Люк Шоу, Жон Стоунз, Жеймс Тарковски, Киран Триппиер, Кайл Уокер, Деклан Райс.
Ярим ҳимоячилар: Росс Баркли, Деле Алли, Фабиан Делф, Эрик Дайер, Жордан Ҳендерсон, Рубен Лофтус-Чик.
Ҳужумчилар: Ҳарри Кейн, Маркус Рэшфорд, Жейдон Санчо, Раҳим Стерлинг, Каллум Уилсон.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)