Фарғона вилоятида ўз ҳудудида жиноятлар сонининг камайишига эришган 180 нафар профилактика инспектори, жамоат тартибини сақлашда уларга амалий ёрдам кўрсатган 50 нафар маҳалла фуқаролар йиғини раиси ва профилактика инспектори ёрдамчисига 170 миллион сўм бир марталик пул мукофоти тантанали равишда топширилди. Бу ҳақда «Дарё» мухбири хабар бермоқда.
Маълум бўлишича, вилоят миқёсида жиноятчилик ва ҳуқуқбузарликларнинг аҳволи таҳлил қилинган. Таҳлил натижаларига кўра, ҳудудида жиноятчилик даражаси пасайган 230 нафар ИИБ ходимлари ва фуқаролар йиғинлари вакиллари ушбу мукофотга лойиқ деб топилган.
Вилоятда жамоат тартибини сақлаш ҳамда хавфсизлигини таъминлаш, «Хавфсиз шаҳар», «Хавфсиз ҳудуд» лойиҳаларида белгиланган вазифаларни тўлиқ амалга оширишга алоҳида аҳамият берилмоқда. Ҳуқуқбузарлик ва жиноят содир этишга мойил деб гумон қилинган ва тунги вақтларда кўчаларда мақсадсиз юрган фуқаролар билан профилактик суҳбатлар олиб борилмоқда. Натижада вилоятда умумий жиноятчилик ўтган йилнинг мос даврига кўра, 34 фоизга ёки 2764 тага камайишига эришилган. 2019 йилнинг январь–февраль ойлари якуни бўйича ўтказилган таҳлил натижаларига кўра, жиноятчилик 23 фоизга камайган.
Изоҳ (0)