Қорақалпоқ давлат ҳамда Қозоғистоннинг Каспий давлат технология ва муҳандислик университетлари ўртасида малакали кадрлар тайёрлаш бўйича ҳамкорлик шартномаси имзоланди. Бу ҳақда Олий ва ўрта махсус таълим вазирлиги маълум қилди.
Бу борада келишувга Ш.Есенов номидаги Каспий давлат технология ва муҳандислик университети ректори бошчилигидаги делегациянинг университетга ташрифи доирасида эришилди.
Ҳамкорлик шартномасига кўра, университетлар ўртасида профессор-ўқитувчилар алмашиш, илмий ва маданий ҳамкорлик йўлга қўйилади.
Учрашув давомида томонлар нефть-газ, қурилиш, бизнес-иқтисодиёт ва гуманитар соҳалар бўйича бакалавриат «3+1», магистратура «1+1» дипломи дастурига доир ҳужжатларни тайёрлаш ва ишлаб чиқиш бўйича масъулларни белгилади.
Маълумот учун, ҳозирда Каспий давлат технология ва муҳандислик университетида 800 нафардан ортиқ хорижлик талаба таҳсил олса, шундан 100 нафардан ортиғини ўзбекистонлик талабалар ташкил қилади.
Изоҳ (0)