Иссиқ қум ўртасида 450 километрли юқори сифатли автомобиль йўлини қуриш осон иш эмас. Аммо бу Хитойга нега керак? Бу ҳақда Travel Ask маълумот беради.
Жанубдан шимолга Такла-Макан саҳросини кесиб ўтувчи автомобиль йўли Тарим шоссеси деб аталади. У 1995 йилда қурилган. Умумий узунлиги 550 километр ва унинг 450 километри чўлнинг устидан ўтган.
Трасса чўлнинг қуми билан кўмилмаслиги учун муҳандислар қурғоқчиликка чидамли дарахтлар ва буталарни автойўл бўйлаб экишга қарор қилишган. Кўп йиллик синовдан сўнг Такла-Макан шароитида омон қолиш чидамли бўлган ўсимликларнинг рўйхати аниқланган. Кейин автомагистрал бўйлаб турли хил саксовул, тол ва бошқа ўсимликлар экилган. Ниҳол пайтида сўлиб қолмаслиги учун сунъий суғориш тизими яратилган.
Ўсимликларни суғориш учун сув ер остидан чиқарилади, лекин у оддий ичимлик суви эмас. Сувнинг таркибида кўп миқдорда эриган тузлар бор. Сувнинг минерализацияси юқори бўлишига қарамай, ўсимликлар янги жойга яхши мослашган.
Ҳар бир километрда экилган 3000 гектарли дарахт ва ўсимликлар шоссе бўйлаб, 400 километрга чўзилган. Экиннинг кенглиги 70 метрни ташкил қилган. Насос станцияларига хизмат кўрсатиш ва суғориш тизимини тартибга солиш учун ҳар 4 километр йўлда махсус станциялар қурилган, уларнинг ишчилари тизимнинг ишлашини тартибга солмоқда. Бундан ташқари, шосседа саёҳатчиларга хизмат қилиш учун бир нечта газ қуйиш шохобчалари ва кафелар қурилган.
Бу нима учун керак эди?
Буларнинг барчаси Такла-Макан саҳросидан топилган энг бой нефть ва газ конлари билан боғлиқ. Тарим нефть ва газ ҳавзаси 500 минг квадрат метрдан ортиқроқ майдонда жойлашган. Бугунги кунда Хитойнинг углеводород бойликларининг қарийб 30 фоизи шу ерда жамланган.
Тарим ҳавзаси конларини ўзлаштириш ва қувурнинг эксплуатация ишини осонлаштириш учун сайёрада тенги бўлмаган катта йўл қурилган.
Изоҳ (0)