Ҳабиб Абдуллаев «Навоий» Эркин иқтисодий зонасининг янги директори этиб тайинланди. Бу ҳақда Буюк келажак эксперт кенгашида хабар берилди, деб ёзади Spot.
Ҳабиб Абдуллаев (1967) — «Рикор» технопаркининг бош директори (Москва), Москвадаги ўзбек миллий-маданий автономияси раиси, «Ўзбегим» газетасининг нашриётчиси. РФ Нашриёт вазирлиги корхоналарида, АФК «Система» ва бошқа ташкилотларда 25 йиллик раҳбарлик тажрибасига эга. «Буюк Келажак» экспертлар кенгаши аъзоси.
РФ Иқтисодий ривожланиш Вазирлигининг ОАЖ «Особие экономические зони» резидентлари билан ишлаш бошқармасининг бошлиғи бўлиб ишлаган.
«Навоий» ЭИЗ жаҳон стандартларига жавоб берадиган ва жаҳон бозорларида талаб қилинадиган маҳсулот ишлаб чиқаришни таъминлайдиган, замонавий юқори технологияли ишлаб чиқаришларни ташкил этиш учун хорижий инвестицияларни, биринчи галда тўғридан-тўғри инвестицияларни жалб этиш бўйича қулай шарт-шароитлар яратиш, шунингдек Навоий вилоятининг саноат салоҳиятини, ишлаб чиқариш, транспорт-транзит ва ижтимоий инфратузилмасини ривожлантириш мақсадида 2017 йилнинг март ойида ташкил топган.
Изоҳ (0)