21 январь, душанба куни Осиё Кубоги—2019 мусобақасининг 1/8 финал баҳслари доирасида Ўзбекистон терма жамоаси Австралияга қарши майдонга тушади. Бу Ўзбекистон учун расмий мусобақалардаги 150-юбилей учрашуви бўлади, деб ёзади футбол эксперти Алишер Никимбаев.
Осиё қитъасида терма жамоалар учун Жаҳон Чемпионати ва Осиё Кубоги расмий мусобақа ҳисобланади. Бошқа барча мусобақалар, шу жумладан, Осиё ўйинлари ва бошқа минтақавий чемпионатлар деярли ўртоқлик учрашувлари мақомида.
Ўзбекистон миллий терма жамоасининг 149 та расмий учрашувидан 94 таси Жаҳон Чемпионати саралаш баҳсларига тўғри келади. 28 та ўйин Осиё Кубоги мусобақаси саралаш баҳсларида ўтказилган бўлса, яна 27 та ўйин Осиё Кубоги финал босқичида бўлиб ўтган.
Учрашувларнинг умумий статистикаси эса қуйидагича кўриниш олган:
Осиё Кубоги саралаш учрашувлари
- 18 та ғалаба
- 5 та дуранг
- 5 та мағлубият
- Тўплар нисбати бўйича 65—23
- 13 та ғалаба
- 5 та дуранг
- 11 та мағлубият
- Тўплар нисбати бўйича 42—47
- 49 та ғалаба
- 19 та дуранг
- 26 та мағлубият
- Тўплар нисбати бўйича 177—95
2004 йил 50-учрашувда мусобақанинг илк ўйинида Ироқ терма жамоаси устидан 1:0 ҳисобида ғалаба қозонилган. 100-расмий ўйин эса 2011 йил Австралияга қарши ўтказилган. Ўшанда Осиё Кубоги ярим финалида Австралияга қарши ўйинда Ўзбекистон 0:6 ҳисобида мағлуб бўлганди.
150-юбилей ўйин эса Австралиядан йирик мағлубият учун реванш олишга энг яхши имконият. Олға, Ўзбекистон!
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)