19 январь, шанба куни футбол бўйича Англия чемпионатининг 23-тури доирасида 7 та учрашув ўз ниҳоясига етди.
Юрген Клопп қўл остидаги «Ливерпуль» жамоаси ўз майдонида «Кристал Пэлас»ни қабул қилди. Муросасиз кечган баҳсда «қизиллар» 4:3 ҳисобида зафар қучди.
Беллашувнинг 34-дақиқасида меҳмон жамоа аъзоси Андрос Таунсенд Алиссон Беккер дарвозасини ишғол қилди ва ҳисобни очди (0:1).
2-бўлимнинг дастлабки дақиқаларида (47) Муҳаммад Салоҳ ҳисобни тенглаштирди (1:1). Орадан 7 дақиқа ўтиб, Роберто Фирмино Наби Кейта узатмасини голга айлантирди (2:1). 65-дақиқада эса Жеймс Томкинс ҳисобни 2:2 кўринишига олиб келди. 75-дақиқада Муҳаммад Салоҳ жамоасининг 3-голини урди ва дублга эришди.
89-дақиқада «Ливерпуль» ҳимоячиси Жеймс Милнер рақиб ўйинчисига нисбатан қўпол ҳаракати учун 2-сариқ карточка билан жазоланди ва майдондан четлатилди.
90-дақиқада Садио Мане рақиб дарвозасига тўп киритди ва орадаги фарқни иккитага оширди (4:2). Ҳакам томонида 2-бўлимга қўшиб берилган дақиқаларда «Кристал Пэлас» футболчиси Макс Майер Коннор Уикҳем оширган тўпни «мерсисайдликлар» дарвозасига жойлаб қўйди.
Шу тариқа «Ливерпуль» қийин кечган ўйинда битта тўп фарқи билан «Кристал Пэлас» устидан ғалаба қозонди (4:3).
Ушбу турда «Манчестер Юнайтед» «Олд Траффорд» стадионида «Брайтон» жамоаси билан ўйнади.
Учрашувнинг 27-дақиқасида Поль Погба ҳисобни очган бўлса, 42-дақиқага келиб, «манкунианлар» ҳужумчиси Маркус Рэшфорд ҳисобни 2:0 кўринишига олиб келди. Жамоалар қисқа танаффусга йўл олди.
2-бўлимнинг 72-дақиқасида Паскал Грос Давид де Ҳеа қўриқлаётган дарвозага тўп киритиб, орадаги фарқни қисқартирди (2:1).
Шу тариқа Оле-Гуннар Сульшер шогирдлари навбатдаги ғалабасини қўлга киритди.
АПЛ
23-тур баҳслари
19 январь, шанба
«Вулверҳэмптон»—«Лестер» 4:3
Голлар: 1:0 – 4 Йoтa, 2:0 – 12 Беннетт, 2:1 – 47 Грэй, 2:2 – 51 Коди, 3:2 – 64 Йoтa, 3:3 – 87 Морган, 4:3 – 90 Йoтa.«Борнмут»—«Вест Ҳэм» 2:0
Голлар: 1:0 – 53 Уилсон, 2:0 – 90 Кинг.«Ливерпуль»—«Критал Пелас» 4:3
Голлар: 0:1 – 34 Таунсенд, 1:1 – 46 Салоҳ, 2:1 – 53 Фирмино, 2:2 – 65 Томкинс, 3:2 – 75 Салоҳ, 4:2 – 90 Мане, 4:3 – 90 Майер.«Манчестер Юнайтед»—«Брайтон» 2:1
Голлар: 1:0 – 27 Погба, 2:0 – 42 Рэшфорд, 2:1 – 72 Гросс.«Ньюкасл»—«Кардифф» 3:0
Голлар: 1:0 – 24 Шер, 2:0 – Шер, 3:0 – 90 Перес.«Саутҳэмптон»—«Эвертон» 2:1
Голлар: 1:0 – 50 Уорд-Проуз, 2:0 – 64 Дин, 2:1 – 90 Сигурдссон.«Уотфорд»—«Бёрнли» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)