12 январь, шанба куни футбол бўйича Англия премьер лигасининг 22-тур баҳсларига старт берилади.
Турнинг илк ўйини Лондон дербиси билан бошланади. Унда Унаи Эмери қўл остидаги «Арсенал» жамоаси Мануэль Пеллегрини бошлиқ «Вест Ҳэм» майдонига сафар қилади. Ўйин Тошкент вақти билан 17:30 да бошланади.
Мавсумнинг иккинчи ярмини омадсиз бошлаганига қарамай АПЛ мусобақа жадвалида карвонбоши бўлиб турган Юрген Клопп қўл остидаги «Ливерпуль» клуби меҳмонда «Брайтон» жамоасини билан баҳсга киришади. Учрашувга 20:00 да старт берилади.
Мусобақа жадвалида 4-ўринда бораётган Лондоннинг «Челси»си «Стемфорд Бриж» стадионида Рафаэль Бенитес бошлиқ«Ньюкасл» клубини қабул қилади. Беллашув 22:30 да бошланиши белгиланган.
13 январь, якшанба куни турнинг марказий ўйини «Уэмбли» стадионида бўлиб ўтади. Унда Маурисио Почеттино бошлиқ «Тоттенҳэм» клуби 4 турдан буён мағлубият нималигини билмай келаётган «Манчестер Юнайтед» жамаоси билан жанг қилади. Учрашув соат 21:30 да бошланади.
Турнинг сўнгги ўйини 14 январь куни ўтказилади. Унда мусобақа жадвалида 2-ўринни банд этиб турган Хосеп Гвардиола қўл остидаги «Манчестер Сити» ўз майдонида «Вулверҳэмптон»ни қабул қилади. Баҳсга тунгги вақт билан соат 01:00 да старт берилади.
21-турдан кейин АПЛ мусобақа жадвалидаги ҳолат
АПЛ
22-тур баҳслари
12 январь, шанба
«Вест Ҳэм»—«Арсенал» 17:30
«Брайтон»—«Ливерпуль» 20:00
«Бёрнли»—«Фулҳэм» 20:00
«Кардифф»—«Ҳаддерсфилд» 20:00
«Кристал Пэлас»—«Уотфорд» 20:00
«Лестер»—«Саутҳэмптон» 20:00
«Челси»—«Ньюкасл» 22:30
13 январь, якшанба«Эвертон»—«Борнмут» 19:15
«Тоттенҳэм»—«Манчестер Юнайтед» 21:30
14 январь, душанба«Манчестер Сити»—«Вулверҳэмптон» 01:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)