Собиқ Иттифоқ давлат раҳбарлари фарзандларининг бизнесдаги муваффақиятлари (фото)

Собиқ Иттифоқ давлатларининг кўплаб президент фарзандлари бизнесда катта муваффақиятларга эришмоқда, дея хабар беради Sputnik.

Озарбайжон

Озарбайжон президенти Илҳом Алиевнинг учта фарзанди бор: унинг ягона ўғли Ҳайдар ўтган кузда ҳарбий хизматни ўташ учун кетган. Қизлари Лейла ва Арзу ижтимоий фаолият билан машғул.

Хусусан, Лейла Ҳайдар Алиев фондининг вице-президенти. Бироқ, бир қатор оммавий ахборот воситалари қизларнинг мамлакатдаги турли корхоналарда миллионлаб доллар миқдоридаги улушлари борлигини кўрсатади.

Арманистон — ўғил отанинг ишини давом эттирмоқда

Президент Армен Саркисяннинг икки ўғли бор: Айк ва Вартан. Улар ҳақида маълумот жуда кам. ОАВнинг ёзишича, Вартан отасига қарашли бўлган Knightsbridge Group ҳолдинг компаниясининг шўъбасини бошқарадиган ахборот технологиялари бўйича мутахассис ва тадбиркор. Асосий йўналиши – «мураккаб инфраструктура»нинг ахборот хавфсизлиги. Арманистон конституциясига кўра, президентнинг ваколатлари кўп эмас. Асосий ҳокимият ҳукумат ва парламент ўртасида тақсимланади.

Қозоғистон: Назарбоевнинг қизи – миллиардер

Қозоғистон президенти Нурсултон Назарбоевнинг ҳам уч нафар қизи бор.

Катта қизи – Дариға Назарбоева, 55 ёш. Ҳозирда марҳум олигарх ва сиёсатчи Раҳат Алиевга турмушга чиққан эди. Уч нафар фарзанди бор. Кейинчалик Алиев мухолифатчига айланди. Дариға Назарбоева оммавий ахборот воситаларини бошқарган, ишбилармон аёл, «Нурбанк»нинг акциядори, «Асар» партиясининг раҳбари. У Қозоғистон парламентининг қуйи палатаси депутати, бош вазир ўринбосари сифатида фаолият кўрсатган, ҳозирда парламентнинг юқори палатасида депутат.

Иккинчи қизи – Динара Куливаева, 51 ёш. Қозоғистонлик тадбиркор ва сиёсатчи Тимур Кулибаев билан турмуш қурган. Бир ўғли ва икки қизи бор. Forbes маълумотларига кўра, унинг бойликлари  худди турмуш ўртоғиники каби 3,2 миллиард долларга тенг. Кулибаева, бизнес (банк ва молиявий фаолият) билан бир қаторда, хайрия, таълим лойиҳалари билан шуғулланади ва Қозоғистон Фанлар академиясининг академики ҳисобланади.

Учинчи қиз – 38 ёшли Алия уч марта турмушга чиққан. Унинг биринчи эри Қирғизистоннинг биринчи президенти Асқар Акаевнинг ўғли Айдар. Иккинчи марта футболчи ва тадбиркор Дониёр Хасеновга турмушга чиқиб, иккита қизли бўлган. Учинчи турмуш ўртоғи тадбиркор ва сиёсатчи Димаш Досанов, уларнинг бир ўғли ва бир қизи бор. Алия бизнес ва экологик лойиҳалар билан шуғулланади. Аввалроқ қурилиш бизнеси, сув қадоқлаш корхонаси ва телекоммуникация соҳасини бошқарган.

Украина: президентнинг ўғли — собиқ бизнесмен

Пётр Порошенконинг тўртта фарзанди бор. Улардан уч нафари 2000 йилларда туғилган. Катта ўғил – 33 ёшли Алексей — 2009 йилда отасининг «Roshen» компаниясида ишлаган. Кейин давлат хизматига ўтган. Сўнгги бир неча йилдан бери у Украина парламентининг аъзоси.

Эстония

Керсти Кальюлайд икки никоҳдан тўрт фарзанд кўрган. Иккитасини ёши ҳам жуда кичик, аммо каттароқлари ҳақидаги маълумотлар жуда кам. Бир неча йил олдин маълум бўлишича, унинг катта қизи Силья Мардля (Тальвик) ўқитувчи бўлиб ишлайди. Ўғли Сийм Тальвик эса «SSorry As A Service» стартап лойиҳаси билан шуғулланади. Фирма мижозларга турли компанияларга мижозлардан узр сўрашга ёрдам беради.

Беларусь, Грузия, Қозоғистон, Қирғизистон, Латвия, Молдова, Ўзбекистон, Россия, Тожикистон ва Туркманистон президентларининг фарзандлари бизнес қилишмайди ёки бу ҳақда маълумот берилмайди. Айрим раҳбарларнинг болалари ҳали кичик. Литва президентининг эса умуман фарзанди йўқ.