Эрон Ташқи ишлар вазирлиги расмий вакили Баҳрам Гасеми америкалик Майкл Уайтнинг мамлакат ҳудудида қўлга олинганини тасдиқлади. Шу билан бирга, унинг ноқулай шароитларда сақланаётганлиги ҳақидаги хабарларни рад этди. Унинг баёноти Эрон Ташқи ишлар вазирлиги сайтида эълон қилинди, деб хабар бермоқда РБК.
Гасемининг айтишича, америкалик ҳақиқатан ҳам Машҳадда қўлга олинган бўлиб, Теҳрон бу ҳақда Вашингтонга дарҳол маълум қилган.
Дипломат, шунингдек, Эрон ҳукумати Уайт ишини ҳар томонлама ўрганиб чиқишини айтган, бироқ АҚШ фуқароси ҳибсга олиниши сабабига аниқлик киритмаган. У фақатгина Эрон тергов натижалари жаҳон ҳамжамиятига ўз вақтида маълум қилинишини айтган.
46 ёшлик АҚШ Ҳарбий денгиз кучлари ветерани Майкл Уайт Эрон ҳукумати томонидан ҳибсга олинганлиги ҳақида The New York Times газетасига унинг онаси маълум қилган. Унинг айтишича, ўғли ўтган йилнинг илюлидаёқ ҳибсга олинган. Майкл Эронда қиз дўсти билан учрашиши ва Дубай орқали уйига қайтиши керак бўлгани, бироқ у 27 июлдаги рейсга ўтирмаган ва шундан сўнг унинг йўқолиб қолгани ҳақида ариза ёзган. Аёлнинг таъкидлашича, АҚШ давлат департаменти эса унинг ўғли тирик ва Эрон қамоқхонасида сақланаётганини уч ҳафта ўтиб маълум қилган.
Изоҳ (0)