Sobiq Ittifoq davlat rahbarlari farzandlarining biznesdagi muvaffaqiyatlari (foto)

Sobiq Ittifoq davlatlarining ko‘plab prezident farzandlari biznesda katta muvaffaqiyatlarga erishmoqda, deya xabar beradi Sputnik.

Ozarbayjon

Ozarbayjon prezidenti Ilhom Aliyevning uchta farzandi bor: uning yagona o‘g‘li Haydar o‘tgan kuzda harbiy xizmatni o‘tash uchun ketgan. Qizlari Leyla va Arzu ijtimoiy faoliyat bilan mashg‘ul.

Xususan, Leyla Haydar Aliyev fondining vitse-prezidenti. Biroq, bir qator ommaviy axborot vositalari qizlarning mamlakatdagi turli korxonalarda millionlab dollar miqdoridagi ulushlari borligini ko‘rsatadi.

Armaniston — o‘g‘il otaning ishini davom ettirmoqda

Prezident Armen Sarkisyanning ikki o‘g‘li bor: Ayk va Vartan. Ular haqida ma‘lumot juda kam. OAVning yozishicha, Vartan otasiga qarashli bo‘lgan Knightsbridge Group holding kompaniyasining sho‘basini boshqaradigan axborot texnologiyalari bo‘yicha mutaxassis va tadbirkor. Asosiy yo‘nalishi – “murakkab infrastruktura”ning axborot xavfsizligi. Armaniston konstitutsiyasiga ko‘ra, prezidentning vakolatlari ko‘p emas. Asosiy hokimiyat hukumat va parlament o‘rtasida taqsimlanadi.

Qozog‘iston: Nazarboyevning qizi – milliarder

Qozog‘iston prezidenti Nursulton Nazarboyevning ham uch nafar qizi bor.

Katta qizi – Darig‘a Nazarboyeva, 55 yosh. Hozirda marhum oligarx va siyosatchi Rahat Aliyevga turmushga chiqqan edi. Uch nafar farzandi bor. Keyinchalik Aliyev muxolifatchiga aylandi. Darig‘a Nazarboyeva ommaviy axborot vositalarini boshqargan, ishbilarmon ayol, “Nurbank”ning aksiyadori, “Asar” partiyasining rahbari. U Qozog‘iston parlamentining quyi palatasi deputati, bosh vazir o‘rinbosari sifatida faoliyat ko‘rsatgan, hozirda parlamentning yuqori palatasida deputat.

Ikkinchi qizi – Dinara Kulivayeva, 51 yosh. Qozog‘istonlik tadbirkor va siyosatchi Timur Kulibayev bilan turmush qurgan. Bir o‘g‘li va ikki qizi bor. Forbes ma’lumotlariga ko‘ra, uning boyliklari  xuddi turmush o‘rtog‘iniki kabi 3,2 milliard dollarga teng. Kulibayeva, biznes (bank va moliyaviy faoliyat) bilan bir qatorda, xayriya, ta’lim loyihalari bilan shug’ullanadi va Qozog‘iston Fanlar akademiyasining akademiki hisoblanadi.

Uchinchi qiz – 38 yoshli Aliya uch marta turmushga chiqqan. Uning birinchi eri Qirg‘izistonning birinchi prezidenti Asqar Akayevning o‘g‘li Aydar. Ikkinchi marta futbolchi va tadbirkor Doniyor Xasenovga turmushga chiqib, ikkita qizli bo‘lgan. Uchinchi turmush o‘rtog‘i tadbirkor va siyosatchi Dimash Dosanov, ularning bir o‘g‘li va bir qizi bor. Aliya biznes va ekologik loyihalar bilan shug‘ullanadi. Avvalroq qurilish biznesi, suv qadoqlash korxonasi va telekommunikatsiya sohasini boshqargan.

Ukraina: prezidentning o‘g‘li — sobiq biznesmen

Pyotr Poroshenkoning to‘rtta farzandi bor. Ulardan uch nafari 2000-yillarda tug‘ilgan. Katta o‘g‘il – 33 yoshli Aleksey — 2009-yilda otasining “Roshen” kompaniyasida ishlagan. Keyin davlat xizmatiga o‘tgan. So‘nggi bir necha yildan beri u Ukraina parlamentining a’zosi.

Estoniya

Kersti Kalyulayd ikki nikohdan to‘rt farzand ko‘rgan. Ikkitasini yoshi ham juda kichik, ammo kattaroqlari haqidagi ma’lumotlar juda kam. Bir necha yil oldin ma’lum bo‘lishicha, uning katta qizi Silya Mardlya (Talvik) o‘qituvchi bo‘lib ishlaydi. O‘g‘li Siym Talvik esa “Sorry As Service” startap loyihasi bilan shug‘ullanadi. Firma mijozlarga turli kompaniyalarga mijozlardan uzr so‘rashga yordam beradi.

Belarus, Gruziya, Qozog‘iston, Qirg‘iziston, Latviya, Moldova, O‘zbekiston, Rossiya, Tojikiston va Turkmaniston prezidentlarining farzandlari biznes qilishmaydi yoki bu haqda ma‘lumot berilmaydi. Ayrim rahbarlarning bolalari hali kichik. Litva prezidentining esa umuman farzandi yo‘q.