Мода дунёси экспертлари 2018 йил натижаларини сарҳисоб қилиб, Европа қироллик оилаларидан қай бири янги либослар учун кўпроқ пул сарфлаганини аниқлади. Бу ҳақда «Forum Daily» хабар берди.
Ушбу рўйхатда мутлоқ ғолиб деб 37 ёшли Меган Маркл топилди.
Буюк Британия аҳолиси бир неча бор Кейт Миддлтонни ҳаддан ортиқ қимматбаҳо либослар харид қилишини танқид қилган.
Аммо бир неча ой аввал шаҳзода Уильямнинг рафиқасида Меган Маркл қиёфасида Миддлтоннинг жиддий рақибаси пайдо бўлди.
Бир неча кун аввал Unidentified Fashion Objects No More блоги муаллифлари икки герсогиня ва бошқа шоҳ оилаларининг вакилалари 2018 йилда кийинишга қанча маблағ сарфлаганини ҳисоблаб чиқди.
Энг нотежамкор сифатида шаҳзода Гаррининг рафиқаси тан олинди.
Экспертларнинг ҳисоб-китобларига кўра, унинг интернет ва дўконлардан харид қилинган либосларини ҳисоблаганда 506 минг АҚШ доллар харажати аниқланган. Ушбу суммага буюртмага тиктирилган либосларнинг нархлари қўшилмаган.
Ажабланарли томони Кейт Миддлтон мазкур рўйхатда тўртинчи ўринни эгаллаган.
Кембриж герсогинясининг янги либослари 85 минг АҚШ долларга баҳоланди. Тадқиқот муаллифлари бу омилга Миддлтоннинг узоқ вақт оналик таътилида бўлганлиги таъсир қилганига ишончи комил. Бунинг натижасида у ярим йил ташқарига чиқмаган.
Изоҳ (0)