Бугун,

  • USD 11095.31
  • RUB 173.84
  • EUR 10772.44

Чирчиқ олий танк қўмондонлик-муҳандислик билим юртида «Ватанпарварлик ойлиги» доирасида курсантлар ўртасида «Биз, Темурбек ворисларимиз!» номли кўрик-танлов бўлиб ўтди. Бу ҳақда Мудофаа вазирлиги матбуот хизмати хабар берди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Унда билим юртининг барча босқичларидан жами саккиз нафар курсант автоматидан нишонга ўқ отиш, автомобиль техникалари меъёрларини бажариш, миллий таомлар тайёрлаш бўйича ошпазлик маҳорати намойиши, «Темур тузуклари» асари бўйича интеллектуал беллашув ҳамда мазкур асар асосида эркин мавзуда саҳна кўриниши шартлари бўйича мусобақалашди.

Курсантларнинг барча шартларга пухта ҳозирлик кўргани танловнинг муросасиз ўтганида намоён бўлди. Ҳарбий техникаларни сақлаш паркидан ўқ отиш машғулотлари майдонига, ўчоқбошидан муҳташам саҳнага ўтиб, ўзларининг ҳар соҳадан бир шингил маҳоратларини кўрсатган бўлажак офицерлар ҳакамлар ҳайъати томонидан баҳолаб борилди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Танловнинг якуний натижаларига кўра, «Энг билимдон курсант», «Энг илғор техник», «Энг истеъдодли курсант», «Энг яхши мерган», «Энг яхши ошпаз» номинациялари бўйича совриндорлар ва ғолиблар аниқланди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Шунингдек, кун давомида ҳарбий хизматчилар фарзандларининг қишки таътил вақтларини мазмунли ўтказиш мақсадида ташкил этилган шахмат-шашка мусобақалари ҳам қизиқарли кечди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Бундан ташқари билим юртида буюк саркарда Амир Темурнинг «Темур тузуклари» номли китоби асосида тузилган саволларга билим юрти курсантларидан таркиб топган «Адолат қалқонлари» ва Чирчиқ давлат Педагогика институти талабаларининг «Темурий авлодлари» жамоалари заковат ўйинида беллашдилар.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Якуний натижада мезбон билим юрти курсантларининг «Адолат қалқонлари» жамоаси юқори балл билан биринчиликни қўлга киритди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Барча ғолиб ва совриндорлар билим юрти қўмондонлиги томонидан диплом, фахрий ёрлиқ ва эсдалик совғалари билан тақдирланди.

Фото: Мудофаа вазирлиги матбуот хизмати

Фото: Мудофаа вазирлиги матбуот хизмати

Изоҳ
Асосий янгиликлар
Маҳаллий
Ўзбекистонда 7 баллик зилзилаларнинг эҳтимолий харитаси эълон қилинди
Спорт
Франция Кубоги. “ПСЖ” “Марсель”га имкониятни бой бериб, мусобақани тарк этди 
Иқтисодиёт
Ўзбекистонда январь ойида кимларга энг юқори маош таклиф қилинди?