Интернетда Украина давлат қўриқлаш бошқармаси ходимининг ўлдирилиши акс этган видео пайдо бўлди, деб хабар берди «РИА Новости».
Киевда 3 январга ўтар кечаси 26 ёшли қўриқлаш хизмати ходими ва икки итни етаклаган эркак ўртасида жанжал келиб чиққан. Жанжал чоғида ит етаклаган эркак кутилмаганда рақибининг жағига зарба берган.
Шундан сўнг Украина давлат қўриқлаш бошқармаси ходими ерга юзтубан йиқилиб, ҳушига келмай вафот этган.
Дастлабки хулосага кўра, ходим бошга берилган зарба оқибатида вафот этган.
Кейинроқ маълум бўлишича, қотилликда гумонланувчи таниқли украиналик боксчи эканлиги аниқланди. Унга нисбатан жиноят иши қўзғатилган. Боксчи ўн беш йилгача қамалиши мумкин.
Изоҳ (0)