Қатарда истиқомат қилаётган асли ҳиндистонлик хаттот етти йилда Қуръони каримни қўлда кўчириб ёзиб чиқишга муваффақ бўлди. Бу ҳақда «Islom.uz» хабар берди.
Хаттот уни безак ишлари учун 18 карат олтиндан фойдаланди. Авваллари турли мавзуларда хаттотлик қилиб келган Муҳаммад Султон Шайх асосий эътиборини диний мавзудаги санъатга қаратгани боис Қуръонни ўз ҳисобидан чиройли шаклда ёзиб чиқишни ният қилган.
Шайх Қуръони каримни ёзиш ва безак ишларини бажаришда компьютердан хизматидан мутлақо фойдаланмаган. Барча ёзув ва рақамлаш ишларини қўлда бажарган.
«Кейин олтиндан ясалган мунчоқ доначаларини жойлаштириб чиқдим», — дейди хаттот.
У Қуръони карим учун Америкадан 18х24 ва 22х30 ҳажмдаги махсус қоғозлар келтирган. Ҳар бир жузнинг оғирлиги 25 килограммга тенг бўлиб, умумий оғирлиги 750 килограммни ташкил қилади.
Изоҳ (0)